КъБР-м и Iэтащхьэ КIуэ­кIуэ Казбек иджыблагъэ хэтащ Урысейм зыхъу­мэжыныгъэмкIэ и ми­нистр Шойгу Сергей и уна­фэщIу екIуэкIа видеоселектор зэIущIэм.

18 мая, 2021 - 07:05

Зэхуэсыр теухуауэ щытащ щIалэгъуа­лэм дзэ-хэкупсэ гъэсэныгъэ егъэ­гъуэ­тыным ехьэлIа Iуэхухэм. ЗэIущIэм хэтхэр онлайн мардэм тету тепсэлъыхьащ Урысейм и щIыналъэ псоми «Авангард» щIэ­ныгъэ-методикэ центрхэр къы­­щы­зэ­гъэпэщыным ехьэ­­­лIа Iуэхухэм. Абы и ­къудамэхэм я къалэнхэм ящыщщ дзэм къулыкъу щащIэным зи ныбжьыр ­нэса щIалэгъуалэм хэкупсэ гъэсэныгъэ яты­ным щIыналъэхэм щелэжьынри. Шойгу Сергей къыхигъэщащ къызэрагъэпэща­кIэу апхуэдэ центр 27-рэ къэралым зэ­рыщыIэр, адрейхэр къызэIуахынущ ­коронавирусым и зэранкIэ ягъэува мар-дэ ткIийхэм къытекIыжа нэужь. Зэраубзы­хуамкIэ, апхуэдэ центрхэр яIэнущ зи цIыху бжыгъэр мини 100 хъу е абы нэхърэ нэхъыбэ щыпсэу къалэ псоми, - жиIащ зыхъумэ­жы­ныгъэмкIэ министрым.
Проектыр Урысейм и Президент Путин Владимир къалэн къазэрыщи­щIам ипкъ иткIэ егъэзащIэ УФ-м ЗыхъумэжыныгъэмкIэ и министерствэм.
УФ-м зыхъумэжыныгъэмкIэ и министр Шойгу Сергей зэIущIэм къыщы­хилъхьащ зи гугъу ящI зэгухьэныгъэхэр къэралым и щIыпIэ псоми къыщызэ­Iуахыну икIи къыхигъэщащ мы зэманым «апхуэдэ центрхэм икъукIэ ды­хуэныкъуэ зэрыхъуар».
КъБР-м ЦIыхухэр егъэ­джэнымкIэ, щIэ­ны­гъэмрэ щIалэгъуалэм я IуэхухэмкIэ и министерствэм пщэрылъ пыухыкIахэр хуа­щIащ зэIущIэм кърикIуахэм япкъ иткIэ.

КъБР-м и Iэтащхьэмрэ Правительствэмрэ я пресс-IуэхущIапIэ.
  • 8 просмотров

Поделиться:

ЧИТАТЬ ТАКЖЕ:

15.05.2024 - 09:32

Алий и пшыхь

Музыкэ театрым накъыгъэм и 7-м концерт гукъинэж щитащ Урысей Федерацэм, Къэбэрдей-Балъкъэр, Къэрэшей-Шэрджэс республикэхэм щIыхь зиIэ я артист, оперэ уэрэджыIакIуэ цIэрыIуэ, Музыкэ театрым и солист
15.05.2024 - 09:31

Аращ зыщIэзэуар ди нэхъыжьхэр

Бахъсэн щIыналъэм хиу­быдэ къуажэхэм фэеплъ пэ­кIухэр, зэIущIэхэр, зэ­хуэсхэр щрагъэкIуэкIащ Хэку зауэшхуэм ТекIуэныгъэр къызэрыщытхьрэ илъэс 79-рэ щрикъум ирихьэлIэу.
15.05.2024 - 09:29

Къэхъундэсхэр Хэкум и къыщхьэщыжакIуэщ

1941 - 1945 гъэхэм екIуэкIа Хэку зауэшхуэм ди къэралым ТекIуэныгъэ Иныр къызэрыщихьрэ илъэс 79-рэ зэрырикъур дэнэкIи Iэтауэ щагъэлъэпIащ.
15.05.2024 - 09:27

Ветеранхэр ягъэгушхуэ

Прохладнэ районым и полицейхэмрэ жылагъуэ лэжьакIуэхэмрэ Прохладнэ къалэм щыпсэу, Хэку зауэшхуэм и ветеранхэу Ерохинэ Аннэ, Шайн Владимир, Головин Владимир сымэ я деж щыIащ икIи ТекIуэныгъэм и маху
15.05.2024 - 09:25

Къаруушхуэ зыхэлъ уэрэдхэр

Хэку зауэшхуэр зымылъэгъуа щIэблэр абы теухуа уэрэдхэм, усэ­-хэм дыщедаIуэкIэ, фильм дыщеплъыжкIэ, дэтхэнэми и щIыфэр егъэтхытх, гущIэгъуншагъэрэ залы­мыгъэу зэрахьамрэ зыхэтщIэу.