|
|
Миллет проектлеге бёлюннген ахчаны тюз жоюуну юсюнден энчи айтылгъанды
29 апреля, 2021 - 07:01
Россейни МВД-сыны СКФО-да Баш управлениясыны таматасы Сергей Бачурин, бу кюнледе республикагъа жумуш бла келгенде, Черек районну ОМВД-сында Россейни МВД-сыны Баш органны кенгешин бардыргъанды. Анга КъМР-ни таматасы Казбек Коков эмда КъМР-де ич ишлени министри Василий Павлов къатышхандыла.
Жыйылыу башланырны аллында, анга къатышханла кеслерини къуллукъ борчларын толтура жоюлгъан полициячыланы эсгертмелерине гюлле салгъандыла. Ызы бла КъМР-де МВД-ны энчи буйрукъла толтургъан «Гром» отряды эмда район ОМВД-ны жол-патруль экипажы профессионал усталыкъларын кёргюзтгендиле.
Кенгешни башлай, КъМР-де ич ишлени министри полицияны генерал-майору Василий Павлов ведомствону ишини баш эсеплери бла шагъырей этгенди, IT-технологияла бла этилген аманлыкъ ишле къалай ачыкъланнганларыны юсюнден энчи айтханды.
Сергей Бачурин а профилактиканы кючлендирмей жарамазлыгъын айырып айтханды, миллет проектлеге бёлюннген бюджет ахчаны къоруулауну амалларына энчи эс бургъанды.
Казбек Коков Сергей Бачуриннге Россейни МВД-сыны жер-жерледе органларына кёз-къулакъ болгъаны ючюн жюрек ыразылыгъын билдиргенди, право низамны сакълаучу эмда властьны толтуруучу органларыны араларында IT-технологияланы хайырланып хыйлалыкъ этгенлени жолларын кесиу жаны бла бирге ишлеуню андан ары бардырыргъа, аны къыйматын кётюрюрге керек болгъанын чертип айтханды.
Ахырында Сергей Бачурин къуллукъларын бет жарыкълы бардыргъан къауум адамгъа Россейни МВД-сыны СКФО-да Баш управлениясыны ведомстволу саугъаларын бергенди.
 |
15.05.2024 - 09:42 Къабарты-Малкъарда транспорт бёлюмню 2030 жылгъа дери айнытыугъа жораланнган стратегиялы сессия бардырылгъанды. |
 |
15.05.2024 - 09:40 КъМР-ни Башчысы Казбек Коков энчи аскер операцияны ветеранлары Заур Атласкиров, Роман Коваленко, Герман Шевчук эмда Чеченланы Эльдар бла тюбешгенди.
|
 |
15.05.2024 - 09:37 Кёп болмай Лашкута элде жашагъан 85-жыллыкъ Улакъланы Мариям бла танышханма. Ол бу жыл санына дери ариу эшиу ызын сакълаялгъанды. |
 |
15.05.2024 - 09:13 Урунууну къоруулауну айлыгъына атап, «Газпром газораспределение Нальчик» компанияда «Юйню эмда фатарны ичинде орнатылгъан газ оборудованияны техника жаны бла жумушларына къарагъан эм иги слесарь» д |
 |
15.05.2024 - 09:12 Чай ичмеген, аны сюймеген хазна адам болмаз. Къара, къызыл, жашил, сары, акъ тюрлюлери окъуна бардыла аны. |
|
