КъМР-ни Башчысы Казбек Коков республикада жашагъанланы бир къаууму бла кезиулю кере тюбешгенди эмда аланы тилеклерине бла тарыгъыуларына тынгылагъанды. Республиканы оноучусундан болушлукъ излеп Нальчикден эмда тюрлю-тюрлю районларыбыздан да талай адам келгенди. Аланы асламысы андан федерал аралада бийик технологиялы багъыу алыргъа болушурун, къулакълары иги эшитмеген сабийлеге эмда къыйын болумгъа тюшген уллу юйюрлеге тутхучлулукъ этерин тилегендиле.
Адамлагъа уллу эс буруп тынгылагъандан сора Казбек Коков толтуруучу властьны тийишли органларына керекли буйрукъла бергенди эмда жамауатны тилеклерине бла тарыгъыуларына кёре не мадарла этилгенлерин энчи контрольгъа алгъанды.