|
КIуэкIуэ Казбекрэ Урысей Федерацэм узыншагъэр хъумэнымкIэ и министр Мурашкэ Михаилрэ Москва щызэхуозэ
26 апреля, 2021 - 06:52
Мэлыжьыхьым и 22-м Москва лэжьыгъэ IуэхукIэ щызэIущIащ КъБР-м и Iэтащхьэ КIуэкIуэ Казбекрэ Урысей Федерацэм узыншагъэр хъумэнымкIэ и министр Мурашкэ Михаилрэ. Абы щытепсэлъыхьащ Урысейм и Президентым Федеральнэ Зэхуэсым Зэрызыхуигъэзам щыубзыхуахэм япкъ иткIэ республикэм узыншагъэр хъумэнымкIэ и IэнатIэм зегъэужьыным хуэгъэза Iуэхухэм.
Къэралым и Президентым Федеральнэ Зэхуэсым Зэрызыхуигъэзам къалэну къыщигъэуващ цIыхухэм диспансеризацэ ядегъэкIуэкIыным хуэгъэза лэжьыгъэр щIагъэхуэбжьэну, къайфыкIа коронавирусым къыдэкIуа узыфэхэр нэхъ пасэу къахутэн икIи цIыхухэр гъэхъужын мурадкIэ. И нэхъыбапIэкIэ ар гу-лъынтхуэ узыфэхэм епхащ. Къэбэрдей-Балъкъэрым мы гъэм диспансеризацэм къызэщIрагъэубыдэ-нущ балигъ мини 140-рэ хуэдиз, сабий мини 187-м я узыншагъэм кIэлъыплъынущ. «Илъэсым и япэ мазищым диспансеризацэмрэ узыншагъэр къэпщытэнымрэ хэтащ республикэм щыпсэу мин 25-м щIигъу. Диспансеризацэм гулъытэ хэха хуэтщIынущ», - къыхигъэщащ республикэм и Iэтащхьэм.
ЦIыхухэр медицинэ дэIэпыкъуныгъэ хуей хъуа нэужь япэу зызыхуагъазэ IуэхущIапIэхэр егъэфIэкIуэным хуэунэтIауэ республикэм зыщыщIадза лэжьыгъэм и гугъу щищIым, республикэм и Iэтащхьэм къыхигъэщащ 2021 гъэм зэфIагъэкIыну я мура-ду программэм ухуэныгъэ 16 зэрыхагъэхьар. Аушыджэр къуажэм ухуэн щыщIадзащ амбулаторэ. Къызыхуэтыншэу зэрагъэпэщыжынущ Май щIыналъэ сымаджэщ нэхъыщхьэм епха сабий поликлиникэр, Налшык къалэ дэт сабий поликлиникэ №1-м щагъэхъуж-профилактикэ и къудамэр, къалэ поликлиникэ №2-мрэ Хмельницкэм и цIэр зезыхьэ уэрамым тет абы и къудамэмрэ, Малкэ къуажэм дэт амбулаторэр, Тэрч щIыналъэмрэ ХьэтIохъущыкъуей къуажэмрэ я поликлиникэхэр. Къалэ поликлиникэ №1-м и къудамэу Вольнэ Аул дэтым, къалэ поликлиникэ №3-м, Дзэлыкъуэ, Шэджэм, Шэрэдж щIыналъэхэм я сымаджэщ нэхъыщхьэхэм къепха поликлиникэхэм зэгъэпэщыжыныгъэ лэжьыгъэхэр 2022 гъэм щызэфIэкIынущ, узыфэ зэхуэмыдэхэр зыпкърытхэм щеIэзэ щIыналъэзэхуаку сымаджэщым щыщ Iыхьэр 2023 гъэм яухынущ. Апхуэдэуи дызэрыт илъэсым щIадзэнущ къалэ сабий поликлиникэ №1-м и унэмрэ Бахъсэн щIыналъэ сымаджэщым и поликлиникэ къудамэ №2-мрэ зыхуей хуэгъэзэным.
ЗэIущIэм щытепсэлъыхьащ лышх узы-фэр зыпкърытхэм щеIэзэ сымаджэщыр ухуэнымрэ Республикэ сабий клиникэ сымаджэщыр къызыхуэтыншэу зэгъэпэщыжынымрэ ехьэлIа лэжьыгъэхэр щызэфIагъэкIыну пIалъэхэми. Мы зэманым проектхэм арэзы техъуащ къэралым Узыншагъэр хъумэнымкIэ и министерствэр.
КъБР-м и Iэтащхьэ КIуэкIуэ Казбек Мурашкэ Михаил фIыщIэ хуищIащ Урысейм Узыншагъэр хъумэнымкIэ и министерст-вэм пандемием и лъэхъэнэ гугъум Къэбэрдей-Балъкъэр Республикэм зэрызыкъыщIигъэкъуам папщIэ. Узыфэ зэрыцIалэ нэхъ шынагъуэхэр зыпкърытхэм щеIэзэ госпиталхэм папщIэ къащэхуащ иджырей диагностикэ, реанимацэ Iэмэпсымэхэр, абыхэм КТ, УЗИ, ИВЛ аппаратхэри яхэту. ЩIыналъэм къыIэрыхьащ IэнатIэм къыщагъэсэбэп транспорт хэхауэ хыщIым щIигъу, медицинэ IуэхущIапIэхэм методикэ, къызэгъэпэщыныгъэ дэIэпыкъуныгъэхэр ягъуэтащ, къэралым и центр пажэхэм я IэщIагъэлIхэри а лэжьыгъэм къыхашэу, апхуэдэуи сымаджэхэм хущхъуэхэр къыхурагъэшащ. АдэкIи пащэну я мурадщ щIыналъэ IэщIагъэлIхэм методикэ чэнджэщхэр ягъуэтыным хуэгъэза лэжьыгъэм.
КъБР-м и Iэтащхьэмрэ Правительствэмрэ я пресс-IуэхущIапIэ.
|
16.05.2024 - 08:38 Алыджым и Луртаки къалэм мы махуэхэм щекIуэкIащ Европэм грэпплинг бэнэкIэ лIэужьыгъуэмкIэ пашэныгъэр къыщыхьыным хуэунэтIа зэхьэзэхуэ. |
|
16.05.2024 - 08:37 Урысейм Тезырхэр егъэпшынынымкIэ и федеральнэ къулыкъум и управленэу КъБР-м и колоние №3-м и лэжьакIуэхэр ТекIуэныгъэм и махуэшхуэмкIэ ехъуэхъуащ фронтым Iута Хочуев Магомед.
|
|
16.05.2024 - 08:36 Уахэ жыжьэм къраутIыпщыкIыу, акъыл зиIэ гуэрхэм ди деж къагъэсынкIэ хъуну радио-хысыджхэр (сигналхэр) къэубыдыным хузэхагъэува проектым хыхьэу, Австралием ЩIэныгъэхэмкIэ и къэрал зэгухьэныгъэм (CSI |
|
16.05.2024 - 08:36 А фIэщыгъэм щIэт V ЩIалэгъуалэ фестивалыр Налшык и НыбжьыщIэ театрым къыщызэIуахащ накъыгъэм и 11-м. |
|
15.05.2024 - 09:32 Музыкэ театрым накъыгъэм и 7-м концерт гукъинэж щитащ Урысей Федерацэм, Къэбэрдей-Балъкъэр, Къэрэшей-Шэрджэс республикэхэм щIыхь зиIэ я артист, оперэ уэрэджыIакIуэ цIэрыIуэ, Музыкэ театрым и солист |
|