Орамларыбызны кенгертир къайгъыгъа киргендиле

КъМР-ни Парламентини Промышленность, транспорт, связь эм жол мюлк жаны бла комитетини кенгертилген жыйылыуунда республиканы ара шахарыны орамларында, ол санда халкъ аслам жыйылгъан жерлени тийрелеринде, парковкаланы кёбейтиуню юсюнден баргъанды сёз. Аны ача, комитетни башчысы Владимир Гугов бу проблема Нальчикде бек жарсыулуладан бири болгъанын чертгенди. Республикада машинала иги да кёбейгендиле, бюгюнлюкде ала 280 мингден да асламдыла. Алай анга да къарамай, шахарда орамланы кенгертиу, транспортну салырча жерлени кёбейтиу жаны бла иш бардырылмагъаннга ушайды.
- Къыралны башха регионларыны сынауларын сюзюп эмда машинала кёбейип баргъанларын эсге алып,  градостроительный эм транспорт  планланы къураргъа керекди,-дегенди ол.
Кенгешде Нальчик шахарны администрациясыны жашау журт-коммунал мюлк эм тапландырыу жаны бла управленияны башчысыны орунбасары Мурат Карданов доклад этгенди. Аны айтханына кёре, адамла аслам жыйылгъан жерле кёп къатлы юйлени тийрелеринде болгъанлары ючюн парковкаланы къураргъа муниципал жер жокъду. Законлагъа тийишлиликде кёп къатлы юйню ишлетгенде, стоянкаланы арбазда къураргъа эркинлик берилмегени уа халны бютюнда осал этеди.
Машиналаны салырча жерлени кёбейтир ючюн а, учрежденияланы бла организацияланы, тюкенлени жерлерин хайырланыргъа боллукъду. Докладчыны оюмуна кёре, жер тюбюнде неда кёп къатлы парковкаланы ишлетиу бу кемчиликни кетерирге себеплик этерик  эди. КъМР-де МВД-ны Жолда жюрюуню къоркъуусузлугъуну инспекциясыны надзор жаны бла бёлюмюню башчысы Анзор Карданов да сёлешгенди жыйылыуда.
Докладланы сюзе, жыйылыугъа къатышханла парковкала жетишмегенини хатасындан орамлада машинала ёталмагъанларыны, жолланы тазалагъанда чырмаула болгъанларыны, жаяу адамланы къоркъуусузлукъларыны, экология осал болгъаныны юслеринден айтхандыла.
Битеу оюмла жыйышдырылып, жууаплы органлагъа эсгертиуле  къабыл кёрюлгендиле.
 

КъМР-ни Парламентини пресс-службасы.

Поделиться:

ЧИТАТЬ ТАКЖЕ:

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.

28.03.2024 - 09:03

ГИТЧЕ ЭМДА ОРТА БИЗНЕСНИ МАГЪАНАСЫ УЛЛУДУ

Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле.

28.03.2024 - 09:03

ИНВЕСТИЦИЯЛАГЪА – ЭНЧИ ЭС

Жангы предприятияла къурарча, производствону кенгертирча, инвестицияла этмей, башхача айтханда ишге ахча салмай боллукъ тюйюлдю.

27.03.2024 - 14:04

КЪАБАРТЫ-МАЛКЪАР РЕСПУБЛИКАНЫ БАШЧЫСЫ К.В.КОКОВНУ РОССЕЙ ФЕДЕРАЦИЯНЫ МИЛЛЕТ ГВАРДИЯСЫНЫ АСКЕРЛЕРИНИ КЮНЮ БЛА АЛГЪЫШЛАУУ

Росгвардияны Къабарты-Малкъар Республикада Управлениясыны хурметли аскерчилери, ишчилери эмда ветеранлары! Сизни Россей Федерацияны Миллет гвардиясыны аскерлерини кюню бла алгъышлайма!

27.03.2024 - 09:07

САКЪАТ САБИЙЛЕ ОКЪУУСУЗ КЪАЛМАЗЧА

Къабарты-Малкъарны Жамауат палатасында республиканы билим бериу учреждениялада сакъат эм къыйын ауругъан сабийлени окъутуу не халда болгъаны тинтилгенди.