Къэбэрдей-Балъкъэр Республикэм и Iэтащхьэ КIуэкIуэ К. В. Щэнхабзэм и лэжьакIуэм и махуэм теухуа и хъуэхъу

25 марта, 2021 - 07:57

Къэбэрдей-Балъкъэрым и щэнхабзэ Iэ­натIэм и лэжьакIуэхэу пщIэ зыхуэтщIхэ!
Фи IэщIагъэм епха махуэшхуэмкIэ сы­нывохъуэхъу!
Нобэ дэ догъэлъапIэ зи зэчийкIэ, зи лэжьыгъэкIэ, зи гуащIэкIэ дунейм дахагъэр хэзыхьэхэр, ди щэнхабзэ къулеигъэхэр ­хъумэнымрэ ахэр гъэбэгъуэнымрэ, республикэм щыпсэухэр а фIыгъуэхэм щыгъэ­гъуэзэным, къытщIэхъуэ щIэблэр гъэсэ­ным хэлъхьэныгъэшхуэ хуэзыщIхэр. Пандемием ехьэлIа гугъуехьхэм щхьэкIи къэ­мынэу фэ хьэлэлу, фи гумрэ фи псэмрэ къабгъэдэкIыу фогъэзащIэ фи пщэ къы­дэхуэ къалэнхэр.
ФIыщIэшхуэ фхузощI фи лэжьыгъэфIым, фи IэщIагъэм фызэрыхуэIэзэм, къыхэфха IэнатIэм фызэрыхуэпэжым папщIэ.
Щэнхабзэм зегъэужьыныр Урысей Фе­дерацэм и къэрал политикэм и унэтIы­ныгъэ нэхъыщхьэхэм ящыщ зыщ. Шэч къы­тесхьэркъым, властымрэ жылагъуэмрэ зэдегугъуурэ дэ а IэнатIэр зэрытхуегъэ­фIэкIуэнум, республикэм щыпсэу дэтхэнэми зихуэдэ щымыIэ ди щэнхабзэ-тхыдэ ­хъугъуэфIыгъуэхэм, къэрал, дунейпсо щэнхабзэм и ехъулIэныгъэхэм щыгъуазэ зи­щIыфын папщIэ зыхуей псори къы­зэры­зэдгъэпэщыфынум.
Си гум къыбгъэдэкIыу сынывохъуэхъу узыншагъэ быдэ фиIэу, фи гуащIэр мыкIуэщIу фыпсэуну, дыщалъхуа Къэбэрдей-Балъкъэрым щыпсэухэм яфI зыхэлъ Iуэхухэр къывдэхъуну, творческэ ехъулIэ­ныгъэхэр фиIэну.

  • 6 просмотров

Поделиться:

ЧИТАТЬ ТАКЖЕ:

19.05.2024 - 09:03

ГУЛЪЫТЭР ЗИIЭ НЫБЖЬЫЩIЭХЭР

 «УхуакIуэ» Къэбэрдей-Балъкъэр колледжымрэ» Автогъуэгу колледжымрэ я студентхэу Прозоровский Александррэ Кизарисов Султанрэ зыхуагъэзащ КъБР-м и УМВД-м и жылагъуэ советым хэт Аттоевэ Дианэ, икIи жр
18.05.2024 - 12:25

МАЗИЩЫМ КЪРИКIУАХЭР

2024 гъэм и япэ мазищым къэралым и щIыналъэхэм промышленнэ продукцэу псори зэхэту къыщIагъэкIам и куэдагъымкIэ Къэбэрдей-Балъкъэрыр нэхъыфIищым яхыхьащ.
18.05.2024 - 09:03

ПХЪЭМЫФЫКЪУЭ ЛЪАПЭ ДЕЖ

Ди япэ итахэм къызэранэкIа хъыбархэр гъащIэм имыпхъэхыжу зэщIэзыкъуэжу бзэ къулейкIэ къезытхэкIыжахэм ящыщщ адыгэ IуэрыIуатэр зэхуэхьэсыжыным ерыщу яужь ита, Къэрэшей-Шэрджэсым щэнхабзэмкIэ щIыхь з
18.05.2024 - 09:03

ЕВРОПЭР НАСЫПЫНШАГЪЭМ КЪЕЗЫГЪЭЛА ЩIАЛИЩ

1986 гъэм Чернобыль къыщыхъуауэ щыта насыпыншагъэм нэхъыбэж хэкIуэдэнут цIыхуищ къудей мыхъуатэмэ.
17.05.2024 - 09:03

ДЭТХЭНЭРИ ДЫХУЭНЫКЪУЭЩ

Ди планетэм тет къэралхэм я нэхъыбэм зы илъэс къэмынэу накъыгъэм и 12-м къыщызэрагъэпэщ хабзэщ «Экологие щIэныгъэ егъэгъуэтыным и махуэ» зыфIаща Iуэхугъуэхэр.