ЛэжьакIуэ нэхъыфIхэр ягъэпажэ

ЩэкIуэгъуэм и 10-м ягъэ­лъэпIащ Къэрал кIуэцI IуэхухэмкIэ органхэм я лэжьакIуэм и ­махуэр. КъБР-м щыIэ МВД-м щекIуэкIащ абы теухуа зэхыхьэ.

Ар яублащ КъБР-м къэ­рал кIуэцI IуэхухэмкIэ и ­IэнатIэхэм я лэжьакIуэхэу Урысейм и ЛIыхъужь цIэ лъапIэр зыхуагъэфэща-хэу Къэбэрдей АССР-м къэрал кIуэцI IуэхухэмкIэ                и япэ министр, генерал-­майон Горшков Анато­лийрэ  КъБР-м щыIэ ­МВД-м и УБОП-м и уна­фэщI, милицэм и полков­ник КIарэ Анатолийрэ я фэеплъ пхъэбгъухэр республикэ МВД-м и Iуэху­щIапIэ щIыхьэпIэм деж ­­                 щыфIэлъ­хьэ­нымкIэ.
Къэбэрдей-Балъкъэр Рес­­публикэм къэрал кIуэцI IуэхухэмкIэ министру щыIэ,  полицэм и генерал-лей­тенант Ромашкин Игорь, КIарэ Анатолий и шыпхъу Зое, Iуэхум кърихьэлIахэм Урысейм и ЛIыхъужьхэм        я фэеплъ пхъэбгъухэм  деж удз гъэгъахэр щагъэ­тIылъащ.
АдэкIэ пащащ махуэш-хуэ зэхыхьэм. Абы хэтащ ­ведомствэм и унафэщI-хэмрэ къулыкъущIэхэмрэ, жы­­лагъуэ, ветеран зэгу­хьэ­ныгъэхэм я лIыкIуэ­хэр.
Къызэхуэсахэм защы­хуигъазэм, республикэ МВД-м и Iэтащхьэ Ромашкин Игорь къеджащ Урысей Федерацэм къэрал кIуэцI IуэхухэмкIэ и ми­нистр Колокольцев Вла­­ди­миррэ Къэбэрдей-Балъ­къэ­рым и Iэтащхьэм и къа­лэнхэр пIалъэкIэ зыгъэзащIэ КIуэ­кIуэ Казбекрэ къаб­гъэдэкI хъуэхъухэм.
Ромашкин Игорь зи къа­лэ­ныр хьэлэлу езыхьэкI я лэ­жьа­кIуэхэм фIыщIэ яхуи­щIащ, узыншагъэ быдэ, зэ­Iу­з­эпэщыгъэ, ехъулIэ­ны­гъэ ­яI­э­ну зэригуапэри жи­Iащ:
- Нобэ жылагъуэм къытхуегъэув къалэнышхуэ. ИпэжыпIэкIэ дэ дэлъы­- тащ республикэм хабзэ щыIэныр, цIыхухэр мамыру псэуныр, я шына­гъуэншагъэм темыгузэ­вы­хьыныр. Ди нэхъыжьхэм хэлъхьэныгъэшхуэ хуащI ди лэжьакIуэ щIалэгъуа­лэр тэмэму я къалэнхэм пэ­­­рытыным, жылагъуэ псом­­кIэ щапхъэу щыты­ным, - жиIащ министрым. Абы къыхигъэщащ я лэ­жьа­кIуэ хэкIуэдахэм я унагъуэхэм я нэIэ зэрытрагъэтыр.
Махуэшхуэ зэхыхьэхэм Iуэху гуапэкIэ къыпащащ. КъБР-м къэрал кIуэцI IуэхухэмкIэ и министр Ромашкин Игорь ведомст­-вэм и медалхэр, щIыхь, фIыщIэ тхылъхэр яритащ зи къалэным хуэпэж лэ­жьа­кIуэ жыджэрхэм.
Пшыхьыр иухащ республикэ МВД-м и лэ­жьа­кIуэхэм папщIэ ди къэфа­кIуэ­хэмрэ уэрэджы­IакIуэ­хэмрэ ягъэхьэзыра концерткIэ.  

 

УАРДЭ Жантинэ.

Поделиться:

ЧИТАТЬ ТАКЖЕ:

29.03.2024 - 17:28

ХАМЭ КЪЭРАЛХЭМ ЗЭРАДЭЛАЖЬЭМ ФЕЙДЭ КЪЫПОКIУЭ

Хамэ къэралхэм ящыщу Къэбэрдей-Балъкъэрым сату нэхъыбэу зыдищIыр СНГ-м хэтхэращ икIи иужьрей илъэситIым къриубыдэу республикэм зэригъэкIуэкIа продукцэм и куэдагъым процент 25-кIэ хигъэхъуащ, жиIащ

29.03.2024 - 17:23

ЗЫУЖЬЫНЫГЪЭМ И ЛЪАГЪУЭМ ИРОКIУЭ

КъБР-м и Iэтащхьэ КIуэкIуэ Казбек Ставрополь крайм и губернатор Владимиров Владимиррэ Къэрэшей-Шэрджэс Республикэм и УнафэщI Темрезов Рашидрэ щIыгъуу хэтащ Тырныауз къалэм дэт, сыт и лъэныкъуэкIи з

29.03.2024 - 08:57

ХЬЭЩIЭХЭМ ДЫКЪЫХАГЪАЩIЭ

Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ.

29.03.2024 - 08:56

ГУАПЭУ ЯГУ КЪАГЪЭКIЫЖ

КъБР-м щIыхь зиIэ и журналист, Урысей Федерацэм, Къэбэрдей-Балъкъэрым щэнхабзэмкIэ щIыхь зиIэ я лэжьакIуэ, жылагъуэ лэжьакIуэ, «Советская молодёжь» газетым и редактор нэхъыщхьэу щыта Къардэн Мухьэм

29.03.2024 - 08:56

ХАДЭХЭКI ФIЭIУГЪЭХЭМКIЭ ДЫПАШЭЩ

Пхъэщхьэмыщхьэмрэ хадэхэкIымрэ къыхащIыкI консерву Кавказ Ищхъэрэм къыщыщIагъэкIым и процент 90-р Къэбэрдей-Балъкъэрым къылъос.