Къабарты-Малкъар Республиканы Башчысы Казбек Коков Битеуроссей халкъ фронтну (ОНФ) бизни регионда исполкомуну таматасы Евгений Бакаев бла ишчи халда тюбешгенди. Аны кезиуюнде республиканы жамауатындан ОНФ-ха башха-башха жашау сферала бла байламлы келген магъаналы соруула сюзюлгендиле. Сёз жол къурулушну, шахарлада, элледе тынчлыкълы болумланы эмда тынгылы инфраструктураны къурауну, социал объектлени тийрелерин тапландырыуну юсюнден баргъанды.
Республикада жашагъанла дагъыда экология, жашау журт, жер юлюшлени хайырланыу, медицина, къыйын жашау болумлагъа тюшгенлеге социал болушлукъ бла байламлы проблемаланы да кётюредиле. Толтуруучу властьла бла ОНФ-ни биригиулюкде ишлегенлери жамауат институтла бла хайырлы ушакъны тохташырына эмда инсан жууаплылыкъны кючленирине себеплик этгени да чертилгенди. Андан сора да, тюбешиуню кезиуюнде биригиуню алчылары рейдле бардырырча онгланы эмда ведомстволаны бла жержерли администрацияланы келечилери бла къараула къурауну юсюнден айтылгъанды.