Сурэт щIыным дихьэх пщащэ

Мы тхыгъэр зытеухуа Тумэ Лалинэ Налшык къалэм и курыт еджапIэ №6-м и 10-нэ классым щоджэ. Зэрысабийрэ сурэтыщI гъуазджэм дихьэх пщащэр Щэмей Русланрэ Дзэгъэл Iэуесрэ я гъэсэнщ.
И ныбжьыр илъэс 16 фIэкIа мыхъуми, Лалинэ хуумыгъэфэщыну сурэт щIыным зэфIэкIхэр щиIэщ. Пщащэм бгъэдэлъ Iэзагъэр нэхъри зэрырагъэфIэкIуэным хущIокъу и егъэджакIуэхэр.
- ДяпэкIэщ Лалинэ и псы къэжэгъуэр. Сурэт щIыным хуэдгъасэ щхьэкIэ, ар иджыри гъащIэм хуоджэ. Уи зэфIэкIым зебгъэужьын папщIэ уи Iэзагъэм зэрыхэбгъэхъуэным ерыщу ухущIэкъун хуейщ. Нэхъыщхьэращи, абы щхьэх ищIэркъым, - жеIэ Щэмей Руслан.
Лалинэ зэпеуэ куэдым хэтащ икIи ехъулIэныгъэхэр къыщихьащ. Фёдоровэ Оксанэ и «Гуапагъэ фщIэну фыхуэпащIэ» псапэ фондым къыхилъхьа «Спасибо маленькому герою» урысейпсо зэхьэзэхуэм и «Сурэт» унэтIыныгъэм абы къыщыхуагъэфэщащ «Урысейм и пощтым» къыбгъэдэкI саугъэт щхьэхуэ икIи Москва щагъэлъэпIащ.
«Урысей пощтым» коллекцэ открыткэхэр къытрищIыкIри къыдигъэкIащ а зэпеуэм и «Сурэт» унэтIыныгъэм щытекIуахэм я лэжьыгъэхэм. Лалинэ гуапэ щыхъуащ и сурэтри абы зэрыхэхуар. Апхуэдэу бжьыпэр щиубыдащ сурэт щIынымкIэ «На страже безопасности страны» сабийхэм я зэпеуэм, «Нет - коррупции!» республикэ зэхьэзэхуэм.
- Сыкъэзыухъуреихь гъащIэр зэрысщIэжрэ сурэткIэ къэзгъэлъэгъуэну сфIэфIщ. Школым къыщызгъэсэбэп тхылъхэмрэ тетрадхэмрэ ди егъэджакIуэхэм я карикатурэхэмкIэ, музыкант цIэрыIуэхэм я сурэтхэмкIэ согъэщIэращIэ, - жеIэ Тумэ Лалинэ. - Гъуазджэм нэгъуэщIхэм сакъызэрыхэщхьэхукIыным, си хъэтI зэрыщызэзгъэпэщыным и ужь ситщ. Сурэтхэм мыхьэнэшхуэ яIэщ. ПсалъэкIэ къыпхуэмыIуатэ куэд абыкIэ къэбгъэлъэгъуэфынущ. Сызэрысабийрэ ухуэныгъэхэм сыдахьэх. Аращ архитектор IэщIагъэр зэзгъэгъуэтыну сыщIыщIэхъуэпсри.

ТЕКIУЖЬ Заретэ.

Поделиться:

ЧИТАТЬ ТАКЖЕ:

24.04.2024 - 09:09

IУАЩХЬЭМАХУЭ КУЭДЫМ Я ПЛЪАПIЭЩ

Мэлыжьыхьым и 12-м щегъэжьауэ Азау хуейм машинэ ирагъэхьэжынукъым. Абдеж щащIа гъэувыпIэр иджы дыдэ къызэIуахащ, машинэ 800 ихуэу.

24.04.2024 - 09:09

АЛБЭРДЫКЪУЭ IЭМИН

Налшык къалэм иджыблагъэ щекIуэкIащ дзюдомкIэ 27-нэ щIыналъэ зэхьэзэхуэ.

24.04.2024 - 09:08

ГЪУЭГУФIХЭР НЭХЪЫБЭ МЭХЪУ

Налшык къалэм и уэрамибл, псори зэхэту километри 8 я кIыгъагъыу, мы махуэхэм зэрагъэпэщыж.

23.04.2024 - 10:01

КОМПЬЮТЕР ЩIЭПХЪАДЖАЩIЭХЭМ ЩАХЪУМЭ

21-нэ лIэщIыгъуэм зыужьыныгъэщIэхэр къытхуихьащ, абы къыдэкIуэуи, псом хуэмыдэу ныбжьыщIэхэр зыщыхъумапхъэ Iуэхугъуэхэри ди гъащIэм къыхихьащ.

23.04.2024 - 09:03

ЕКIУУ ЗЫКЪЫЩАГЪЭЛЪАГЪУЭ

Орёл къалэм иджыблагъэ щекIуэкIащ Урысейм каратэмкIэ пашэныгъэр къыщыхьыным хуэунэтIа зэхьэзэхуэ.