«Мамэ сытым дежи иренэху»

Урысейм и МВД-м и ГИБДД-мрэ ПДН-мрэ Тэрч щIыналъэм щаIэ къудамэхэм я инспекторхэмрэ школым и класс нэхъыщIэхэм щIэс сабийхэмрэ зэгъусэу «Мамэ сытым дежи иренэху» зыфIаща Iуэху дахэ ирагъэкIуэкIащ.
Анэхэм я махуэшхуэм, щэкIуэгъуэм и иужьрей тхьэмахуэ махуэм хуэзэу илъэс къэс ягъэлъапIэм, ирихьэлIэу инспекторхэм сабийхэм жраIащ лъэсырызекIуэм и щыгъыным нэхум пэлыд дамыгъэ хэлъын щIыхуейр, апхуэдэуи яхутепсэлъыхьащ къалэмрэ къуажэмрэ гъуэгур зэрыщызэпыупщIын хуей Iэмал щхьэхуэхэм.
Нэхум пэлыд, лъэсырызекIуэм занщIэу гу лъатэн папщIэ абы и щыгъыным ирагъэубыд дамыгъэхэр дихьэхыпауэ сабийхэм я IэкIэ ящIащ, полицэм и лэжьакIуэхэр я дэIэпыкъуэгъуу, икIи ахэр я анэхэм иратащ.
ЗэIущIэм и кIэухыу абы хэтахэм фэеплъ сурэт зытрагъэхащ #ПустьВсегдаСветитМама хештегым щIэту интернетым иралъхьэну.

КъБР-м щыIэ МВД-м и пресс-IуэхущIапIэ.

Поделиться:

ЧИТАТЬ ТАКЖЕ:

29.03.2024 - 08:57

ХЬЭЩIЭХЭМ ДЫКЪЫХАГЪАЩIЭ

Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ.

29.03.2024 - 08:56

ГУАПЭУ ЯГУ КЪАГЪЭКIЫЖ

КъБР-м щIыхь зиIэ и журналист, Урысей Федерацэм, Къэбэрдей-Балъкъэрым щэнхабзэмкIэ щIыхь зиIэ я лэжьакIуэ, жылагъуэ лэжьакIуэ, «Советская молодёжь» газетым и редактор нэхъыщхьэу щыта Къардэн Мухьэм

29.03.2024 - 08:56

ХАДЭХЭКI ФIЭIУГЪЭХЭМКIЭ ДЫПАШЭЩ

Пхъэщхьэмыщхьэмрэ хадэхэкIымрэ къыхащIыкI консерву Кавказ Ищхъэрэм къыщыщIагъэкIым и процент 90-р Къэбэрдей-Балъкъэрым къылъос.

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.