Тёрт жыл мындан алгъа РФ-ни Президенти В.В. Путин Тырныаууздагъы тау-байыкъландырыу комбинатны ишлетип башлау жаны бла проектге энчи эс бёлюрге буюргъанды. Аны бла байламлы 2021 жылны экинчи кварталында анда къурулуш ишле башланырыкъдыла. Ол болум бла байламлы, Элбрус район анда ишлерча специалистлени хазырлауну башлагъанды. Алай бла былтыр район администрацияны бла Шимал-Кавказ тау-металлургия университетни араларында 15 жаш адам объектде хайырланыллыкъ усталыкълагъа юйренирча келишим этилгенди. Владикавказдагъы окъуу юйню бошап келген жашларыбыз кеси жерлеринде иш бла жалчытылынырыкълары бек къууандырады. Комбинат бла байламлы проектни саулай багъасы 27 миллиард сомгъа жетеди. 2023 жылда андан биринчи продукцияны алыр мурат барды. Келир жыл а мекямланы, жолланы къурулушлары эм инфраструктураны тийишли болумгъа келтириу бла байламлы ишле бардырыллыкъдыла.