Къэбэрдей-Балъкъэрым и Iэтащхьэ КIуэкIуэ Казбек ЦIыхубэ зэкъуэтыныгъэм и махуэм зригъэлъэгъуащ Налшык псым и Iуфэм щыщ Iыхьэр, Осетинскэ уэрамым къыщыщIэдзауэ КIыщокъуэм и цIэр зезыхьэм нэс къызэщIэзыубыдэр, зэIузэпэщ зэращIыр.
Республикэм и УнафэщIым инстаграмым щиIэ напэкIуэцIым къыщыхигъэщащ къалэм и зыгъэпсэхупIэхэм зегъэужьыным хуэунэтIауэ зэхалъхьа концепцэм ипкъ иткIэ абдежым «Зэкъуэтыныгъэм и аллее» къызэрыщызэрагъэпэщынур, Къэбэрдей-Балъкъэр Республикэр илъэси 100 щри­къум ирихьэлIэу. Псори зэхэту ахэр щы ­хъунущ. Идарым и цIэр зезыхьэ уэрамым деж къыщыщIэдзауэ Осетинскэ уэрамым нэсыху «Мамырыгъэм и аллеер», КIыщо­къуэм и цIэр зезыхьэм щегъэжьауэ ­Къуэныкъуейм и цIэр зезыхьэм екIуалIэу «ЗэгурыIуэныгъэм и аллее» къыщыунэхунущ. Лэжьыгъэхэр зэфIагъэкIыну я мурадщ махуэшхуэр щагъэлъэпIэну 2022 гъэм ирихьэлIэу.
«Мыбдеж щызэтраухуэ IуэхущIэм, шэч хэмылъу, къалэм и теплъэр иригъэфIэкIуэнущ, узыншэу псэуну, зи Iэпкълъэпкъым зезыгъэукъуэдиину хуейхэу псы Iуфэм ­пэгъунэгъуу щыпсэухэм абыкIэ IэмалыщIэхэр къахузэIуихынущ, я унагъуэхэм ящIыгъуу загъэпсэхунымкIи къалащхьэм гупсэхуу зыщаплъыхьынымкIи сэбэп ­хъунущ», - къыхигъэщащ КIуэкIуэ К. В.