|
|
Тюбешиуле Къарындаш республикаланы башчылары экономика, социал эмда маданият жаны бла бирге ишлеуню кючлендире барыргъа келишгендиле
23 октября, 2018 - 10:03
Къабарты-Малкъарны Башчысыны къуллугъун болжаллы халда толтургъан Казбек Коков, Къарачай-Черкесни таматасы Темрезланы Рашит бла Адыгея Республиканы оноучусу Мурат Кумпилов Майкопда тюбешгендиле.
Ала толтуруучу, законла чыгъарыучу власть органланы келечилери бла бардыргъан кенгешде Шимал Кавказда жамауат келишиулюкню, ырахатлыкъны кючлендириуню, билим бериу, илму эмда жаш тёлю политика жаны бла бирге ишлеуню, кадрланы хазырлауну, жангы усталыкълагъа юйретиуню бирикген программасын жашауда бирге бардырыуну, регионла аралы жаш тёлю лагерьле бла форумла къурауну, маданият эмда гуманитар жаны бла байламлыкъланы кенгертиуню, аны ючюн деп КъМР,КъЧР бла Адыгея къуралгъанлы 100 жыл толгъанына аталгъан къууанчлы ишлени да хайырланыуну амаллары сюзюлгендиле.
Кенгешде «Росатом» къырал корпорацияны бла РФ-ни Саулукъ сакълау министерствосуну «Къайгъырыулу поликлиника» деген уллу проектлерине регионланы къатышыу онгларына энчи эс бурулгъанды. Проект багъыу-профилактика учрежденияны ишлерин игилендирирге, медицина болушлукъну ким да чырмаусуз алалырча этиуге себеплик этеригине уллу ышаныулукъ барды.
Къарындаш республикаланы башчылары экономика, социал эмда маданият жаны бла бирге ишлеуню кючлендире барыргъа кереклисин бир аууздан айтхандыла.
 |
26.04.2024 - 17:10 Солуу кюнде «Экология» миллет проектге кирген «Сейир суу объектлени сакълау» федерал проектге кёре, «Россейни суулары» деген экология акция ётерикди. |
 |
26.04.2024 - 17:09 Халкъыбыз не заманда да тойну-оюнну сюйген миллет болгъанына кёп шартла бардыла. Аны къобузда бла къыл къобузда аламат сокъгъан келечилеринден бири уа Темуккуланы Манаф болгъанды. |
 |
26.04.2024 - 09:03 Эрттенликде уяннганлай, башынгы жастыкъдан айыралмай къалсанг, ангылайса: биягъы къан басым. Жаз башы, жауунла, кюн бирде жай, бирде къыш, къан басымны терк тюрленнгени…Не зат этерге боллукъду? |
 |
26.04.2024 - 09:03 Дондагъы Ростовну «Левенцовский» спорт арасында эстетика гимнастикадан «Оскар» деген облатсь даражалы тёрели эришиу къуралгъанды. |
 |
25.04.2024 - 14:00 Нальчикде дзюдодан Сбербанкны кубогуна регионла аралы эришиу бардырылгъанды. Анга къыралны 7 субъектинден 200-ден аслам спортчу къатышханды. |
|
