|
Табыхъу Мадинэ къыхилъхьа жэрдэмыр
24 августа, 2020 - 06:47
ШыщхьэуIум и 17-м КъБР-м и профсоюз IуэхущIапIэхэм я зэгухьэныгъэм и пэшышхуэм щекIуэкIащ щIалэгъуалэр я щIэныгъэкIэ щызэпеуа «Сыт? Дэнэ? Дапщэщ?» джэгур.
Абы хэтащ республикэм и еджапIэ нэхъыщхьэхэмрэ курыт щIэныгъэ щрат еджапIэхэмрэ щIэс ныбжьыщIэ 50-м нэблагъэ.
Джэгу-зэпеуэр къызэрагъэпэщащ студентхэм я щIэныгъэмрэ къэухьымрэ храгъэгъэхъуэн, зрагъэужьын мурадкIэ.
Акъыл зэпеуэм и упщIэ-хэр теухуауэ щытащ псалъэжьхэм, цIыху цIэрыIуэхэм я жыIэгъуэхэм, тхыдэм, спортым, псалъэ шэрыуэхэм, нэгъуэщI куэдми.
А Iуэхур зи жэрдэмыр Табыхъу Мадинэщ. Ар къызэригъэпэщын щхьэкIэ 2019 гъэм абы ахъшэ саугъэт къыщыхуагъэфэщащ Кавказ Ищхъэрэм ис щIалэгъуалэм я «Мэшыкъуэ» зэпеуэм. Абы къыхилъхьа проектыр даIыгъащ Къалэн куэд щызэфIагъэкI центрым, «КъБР-м волонтёр Iуэхум зыщезыгъэужь ресурс центрым», Къэрал, жылагъуэ IуэхущIапIэхэм я лэжьакIуэхэм я урысейпсо профсоюзым и къудамэу Къэбэрдей-Балъкъэрым щыIэм.
Проектыр Iыхьищу гуэшауэ гъэзэщIэным теухуат. Япэр - ищхьэкIэ зи гугъу тщIа «Сыт? Дэнэ? Дапщэщ?» акъылжан зэпеуэр республикэм курыт щIэныгъэ щрагъэгъуэт и еджапIи 6-мрэ щIэныгъэ нэхъыщхьэ щрату щымрэ я студентхэм ятещIыхьауэ егъэкIуэкIынырт. ЕтIуанэ Iыхьэм деж абыхэм ящыщу текIуахэм я щIыналъэ зэхьэзэхуэр къызэрагъэпэщынущ. Апхуэдэуи проектым ипкъ иткIэ «Интеллект в игре» щIалэгъуалэ клуб къызэIуахыну я мурадщ. Псори зэхэту мы Iуэхум щIалэгъуалэ 535-рэ къызэщIеубыдэ.
|
29.03.2024 - 08:57 Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ. |
|
29.03.2024 - 08:56 КъБР-м щIыхь зиIэ и журналист, Урысей Федерацэм, Къэбэрдей-Балъкъэрым щэнхабзэмкIэ щIыхь зиIэ я лэжьакIуэ, жылагъуэ лэжьакIуэ, «Советская молодёжь» газетым и редактор нэхъыщхьэу щыта Къардэн Мухьэм |
|
29.03.2024 - 08:56 Пхъэщхьэмыщхьэмрэ хадэхэкIымрэ къыхащIыкI консерву Кавказ Ищхъэрэм къыщыщIагъэкIым и процент 90-р Къэбэрдей-Балъкъэрым къылъос. |
|
28.03.2024 - 09:03 ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ. |
|
28.03.2024 - 09:03 Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм. |
|