ХьэрычэтыщIэ мащIэмрэ курытымрэ зэрызыщIагъэкъуэнур

Къэбэрдей-Балъкъэрым Экономикэ зыужьыныгъэмкIэ и министерствэм Пра­вительствэм и Унэм иджыблагъэ щригъэ­кIуэ­кIа брифингым республикэм и хъыбарегъащIэ IэнатIэхэм я лIыкIуэхэр щыхагъэгъуэзащ коронавирус уз зэрыцIалэм къиша ­мыхъумыщIагъэхэм Къэ­бэрдей-Балъкъэрым и экономикэр къызэрикIыну щIы­кIэм.

ЗэIущIэм хэтащ КъБР-м экономикэ зыужьыныгъэмкIэ и министр Рахаев Бо­- рис, абы и къуэдзэхэу ТIы­мыжь Хъусенрэ Белецкая Ольгэрэ, «КъБР-м хьэрычэт Iуэхур щыдэIыгъынымкIэ и центр» щIыналъэ фондым и унафэщI Къайсын Залым сымэ.
Брифингым хэIущIыIу щащIащ экономикэмрэ хьэ­рычэт Iуэхумрэ защIэгъэ­къуэнымкIэ федеральнэ, щIыналъэ, муниципальнэ властхэм я унафэхэр.
Рахаевым къызэхуэсахэм ягу къигъэкIыжащ цIыхухэм я шынагъуэншагъэмрэ экономикэм и зэфIэкIымрэ ­яхъумэн папщIэ къэралми щIыпIэхэми къыщыхалъхьа Iэмалхэр. Псом хуэмыдэу ахэр ехьэлIащ коронавирусым и зэранкIэ лей къы­зы­техьа IэнатIэхэм. Зэман кIэ­щIым къриубыдэу абыхэм ятеухуа норматив актхэр ­къащ­тащ. КъищынэмыщIауэ, Iыхьэ 42-уэ зэхэт план зэхалъхьащ. Къэбэрдей-Балъкъэрым гъащIэр тэмэму щекIуэкIын папщIэ республикэм и Правительствэм хуэфэщэн Iуэхугъуэхэр пхигъэкIащ.
- Федеральнэ центрым зэ­ригъэбелджыламкIэ, мэкъу­мэш хозяйствэр, ерыскъы промышленностыр, агропромышленнэ комплексым епха нэгъуэщI IэнатIэхэр ­ лей къызытехьахэм ящыщкъым, - къихигъэщащ къэп­сэлъам. - Апхуэдэу щыт пэтми, Iуэхур зэтещIыхьыпхъэр къалэжьам щIэупщIэ зэ­ри­Iэрщ. ЦIыхухэм я зэхэзе­кIуэным, щэхуэным хэп­щIы­кIыу зэрыкIэрыхуам отраслым хэщIыныгъэшхуэхэр къы­хуихьащ. Пэжщ, дэ и чэзум зэфIэгъэкIыпхъэхэр зэфIэтхащ. Ди дежкIэ нэхъыщхьэр цIыхухэр дымыгъэгужьеинырти, тхузэ­фIэ­кIащ. Республикэм и IэнатIэ нэхъыщхьэхэр къызэтеувы­Iакъым икIи шхынкIэ пэ­ры­хьэту псори къызэрагъэпэщащ.
Налог зыту Къэбэрдей-­Балъкъэрым щыпсэу цIыху мин 11,5-м дэIэпыкъуныгъэ ягъуэтащ. Социальнэ, экономикэ IэнатIэхэм ирата щIэ­гъэкъуэныгъэм и куэдагъыр сом мелардрэ ны­къуэм щIегъу. Къищы­нэ­мыщIауэ, налогхэр щатыну пIалъэр хуагъэIэпхъуащ, ­на­лог, кредит каникулхэр къы­халъхьащ, къэпщытэ­ныгъэхэр къызэтрагъэувы­Iащ.
- Республикэм и бюджетым къыхэкIыу сом мелуани 100-кIэ зыщIагъэкъуащ. Абы щыщу сом мелуан 50-р къащта щIыхуэм техьэ процент ставкэр яхуэпшыныжыным текIуэдащ. Туризмэмрэ санаторэ-курорт комплек­сым­рэ къэрал дэIэпыкъуныгъэу иратынущ сом мелуан 20, иджыри сом мелуан 30 ­хуаутIыпщынущ коронавирусым зыщиубгъуа лъэхъэ­нэм лей зытехьа IэнатIэхэм. Абыхэм IуэхущIапIэ зэмы­лIэужьыгъуэ куэд къы­зэ­щIаубыдэфынущ. Федеральнэ центрри дэри дыху­щIокъу щытыкIэм ди нэIэ­    тедгъэтыну, дэIэпыкъуныгъэ хуэныкъуэхэр къанэ щы­мыIэу дубзыхуну, - жиIащ министрым.
Налогрэ нэгъуэщI ятыпхъэу ягъэIэпхъуахэм я куэдагъыр сом мелуан 497,2-м щIегъур. ДэIэпыкъуныгъэ куэд къызэрыхэкIам КъБР-м и бюджетым и хэхъуэр сом мелуан 86,2-кIэ игъэ­мэ­щIащ.
ЗэIущIэм къыщаIэта Iуэ­ху­гъуэхэм ящыщщ патентым  и уасэр Iухыныр - абы щIа­тынур зы сомщ. А Iэмалыр къагъэсэбэпыфынущ хьэ­рычэтыщIэ 300-м нэб­ла­гъэм. Налшык къалэрэ Дзэ­лыкъуэ щIыналъэмрэ я бизнес инкубаторхэм я ре­зидентхэм папщIэ бэджэнд уасэр ягъэмэщIэнущ.
- ДэIэпыкъуныгъэ зэрыратынум ехьэлIа унафэхэр ­махуэ къэс къыдощтэ, - къыпищащ Рахаевым. - Дэ Iэмал диIэщ хьэрычэт Iуэхур адэкIи дэтIыгъыну. Нэхъы­бэу зытетщIыхьыр коронавирус уз зэрыцIалэм зэрызиубгъум къишэ ныкъусаныгъэ­хэр зэ­рыдгъэ­кIуэ­дынырщ. Федеральнэ центрым и ­чэнджэщкIэ къызэдгъэпэша про­центитху зи куэдагъ ­гъэ­тIылъыгъэри щыIэщ. ЩытыкIэр нэхъыкIэ хъумэ, IуэхущIапIэ зэмылIэужьы­гъуэхэм яхуэдутIыпщ мылъкум дыхэплъэжынущ, хьэ­рычэтыщIэхэм дазэ­ры­дэ­Iэ­пыкъун къыхэдгъэкIын пап­щIэ.
Министрым адэкIэ къыхигъэщащ лъэпкъ проектхэр гъэзэщIэнымкIэ республикэм и къалэнхэр зэрызэпимыгъэуар. УвыIэгъуэ ямы­-Iэу мэлажьэ Къэбэрдей-­Балъкъэрым и экономикэм и ­IэнатIэ нэхъыщхьэхэр.      Ад­рейхэри хуэм-хуэмурэ ­ежьэ­жынущ, фIэкIыпIэншэ сани­тар-эпидемиологие чэн­джэщхэр ягъэзащIэурэ. ЗэрыхуагъэфащэмкIэ, ба­дзэуэгъуэм (июлым) и 1-м щыщIэдзауэ къэлэжьэжынущ санаторэ-курорт IэнатIэр, Iуащхьэмахуэ лъапэ - шыщхьэуIум (августым) и 1-м.
Коронавирус уз зэрыцIалэм къиша мыхъумыщIагъэхэр Къэбэрдей-Балъкъэ­рым къыщызэнэкIыным теу­хуа планымрэ хьэры­чэ­тыщIэ мащIэмрэ курытымрэ зэ­ры­зыщIагъэкъуэну щIы­кIэмрэ зыщыбгъэгъуэзэфынущ ­КъБР-м Экономикэ зыужьы­ныгъэмкIэ и министерствэм и economy.kbr.ru официальнэ сайтым и «Антикризисные меры поддержки малого и среднего бизнеса» Iыхьэм, «КъБР-м хьэрычэт Iуэхур щыдэIыгъынымкIэ и центр» щIыналъэ фондым.

 

Хьэтау Ислъам.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)