Коронавирус бла байламлы кёп производстволаны ишлерине чек салыннганды, аслам адам ишсиз къалгъанды эмда къыйын болумгъа тюшгенди. Артыкъда бег а кёп сабийли, къолайсыз юйюрле, къарар адамлары болмай къалгъан къартла да къыйналадыла. Арт заманлада аллайлагъа болушуу жамауатда кенг жайыла барады. Тюрлю-тюрлю организацияла, учрежденияла, биригиуле, энчи адамла да аш-азыкъ хуржунла, коробкала къурап юлешедиле.
Бу кюнледе уа Къабарты-Малкъар Республиканы Башчысы Казбек Коковну  буйругъу бла Чегем муниципал районда къыйын жашау болумгъа тюшген юйюрледен сабийлеге бла саусуз балачыкълагъа  тюрлю-тюрлю ашарыкъ затла жыйышдырылып юлешиннгендиле. Ала битеу да 342 сабийге жетгендиле. Аш-азыкъ наборланы билим бериу организацияланы келечилери керекли юйюрлеге жетдиргендиле.