Элбрус районда право низамны сакълаучула ич ишле органланы ветеранларын жокълагъандыла.
РФ-ни МВД-сыны Элбрус районда бёлюмюню къуллукъчулары, жамауат советни келечиси Газаланы Зухура бла ведомствону пенсиячыларын Ич ишле органланы ветеранларыны кюню бла алгъышлагъандыла. Ала таматалагъа жаш право низамны сакълаучуланы юйретиуге къатышханлары ючюн ыразылыкъларын айтхандыла.
-Сиз бюгюн да жамауатха жарагъанлай келесиз, законланы сакъларгъа кереклисин ангылатасыз, акъылбалыкъ болмагъанланы арасында профилактика мадарла толтурасыз, жаш полициячылагъа уа сынауугъузну, билимигизни аямайсыз,-дегенди Газаланы Зухура.
Полициячыла къонакъгъа къуру къолла бла келмегендиле. Ала ветеранлагъа аш-суу хуржунла хазырлагъандыла, медицина керекле да келтиргендиле.