Абаданланы, кёп сабийли юйюрлени, къолайсызланы болушлукъчулары

Коронавирус инфекция жайылмаз ючюн кийирилген карантинни кезиуюнде кёпле бек къыйналадыла. Алагъа болушур муратда «Волонтёры – медики», ОНФ эм Волонтёр араланы ассоциациясы Волонтёр штаб къурагъандыла. «Къызыу ызгъа» сёлешип (аны номери 8- 800-200-34-11) , хар амалсыз болушлукъ табарыкъды.
Битеу сёлешгенле эсепге алынадыла, ызы бла волонтёр - медикле не зат керек болгъанын сорадыла, ызы бла мычымай жумушну тамамлайдыла. Бу огъурлу башламчылыкъны юсюнден «Волонтёры–медики» битеуроссей жамауат къымылдауну Къабарты -Малкъарда регион бёлюмюню координатору эм Волонтёр штабны башчысы Залина Кушхова айтханды:
-«Волонтёры-медики» бёлюмюбюзге бизни республикада 457 студент киредиле, ала медицина колледжни эм факультетни студентлеридиле. Тюз бусагъатда Волонтёр штабда уа 203 адам болабыз. «Къызыу ызгъа» сёлешгенле тюрлю-тюрлю адамладыла. Сёз ючюн, юйлерини къатында аптека жабылгъанла къайры барыргъа, не этерге билмей, абызырайдыла. Бизни волонтёрларыбыз не дарман керек эсе да жазадыла, сора шахарда ишлеген аптекаладан сатып аладыла. Бир-бир абаданла онлайн тёлеу этедиле, алай эте билмегенле уа къолдан къолгъа бередиле ахчаны. Дагъыда бусагъатда юй-коммунал жумушла ючюн тёлеулени этерге да студентле болушадыла. Бек башы уа - бусагъатда «Биз – биргебиз» деген акцияны чеклеринде алтмыш беш жылдан таматалагъа аш жыйымдыкъла элтедиле: ун, пиринч, бал туз, чёплеу жау эм башха затла.
Биз барыбыз да ангылайбыз: волонтёр-медиклени саулукъларына къоркъуу барды, биз юйде олтургъан кезиуде ала шахарда ишлейдиле, къарыусузлагъа болушадыла. «Жар – птица» кафе жандауурлукъ иш бла кюрешген жаш адамлагъа хакъсыз аш-суу береди, ачлай айланмасынла деп. Бу кюнледе Къабарты-Малкъар Республиканы битеу жамауаты биригип бир бирлерине болушады.

Байсыланы Марзият Сурат авторнуду.

Поделиться:

ЧИТАТЬ ТАКЖЕ:

29.03.2024 - 09:05

БАХЧАЛАНЫ БУЗДАН КЪОРУУЛАРГЪА – 40 МИЛЛИОН СОМ

Быйыл эл мюлк жерлени буз уруудан къорууларча мадарлагъа Къабарты-Малкъарны бюджетинден 40 миллион сом бёлюнюрюкдю.

29.03.2024 - 09:04

КАРТОФДАН БАЙ ТИРЛИК КЪУУАНДЫРАДЫ

Шимал-Кавказстатны управлениясындан  билдиргенлерича, былтыр Къабарты-Малкъарны  мюлклерини барысында да картофдан  154,6 минг тонна  жыйылгъанды.  Ол былтырдан 1,8 процентге кёпдю.

29.03.2024 - 09:04

ТАНГ КЕСЕК КОНСЕРВА ЧЫГЪАРЫЛАДЫ

Къабарты-Малкъар тахта кёгетледен консервала жарашдырыу бла эки жылны ичинде алчы жерни алады. Ол санда былтыр, 363,8 миллион банка чыгъарылгъанды.

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.

28.03.2024 - 09:03

ГИТЧЕ ЭМДА ОРТА БИЗНЕСНИ МАГЪАНАСЫ УЛЛУДУ

Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле.