Казбек Коков саулукъ сакълауну махкемелеринде саусузланы алыргъа къаллай онгла къуралгъанларына къарагъанды

Къабарты-Малкъарны Башчысы Казбек Коков Нальчикде 1-чи номерли шахар клиника больницаны жангы коронавирус жукъгъан саусузлагъа деп жарашдырылгъан корпусларындан бирин жокълагъанды. Мында 230 ундурукъ салыннганды, медикле эмда керекли инфраструктура, ол санда адамны солутхан 18 аппарат, рентген, вирусдан къорууланырча керекле да хазыр этилгендиле.
Ол кюн окъуна КъМР-ни Башчысы Прохладныйде шахар больницаны къурулушу бошала тургъан жангы хирургия мекямында иш къалай баргъанына къарагъанды. Мында да COVID-2019 жукъгъан саусузлагъа 100-ден артыкъ къошакъ жер къуралгъанды. «Бюгюнлюкде битеу ишле да тохташдырылгъан излемлеге кёре тамамланнганларына сизни ийнандырыргъа сюеме. Сёз техника бла, ол санда ИВЛ аппаратла бла да, жалчытыуну юсюнден барады»,-деп чертгенди Казбек Коков.
Instagramда уа КъМР-ни Башчысы республиканы жамауатына чакъырыу этгенди: «Багъалы шуёхла! Бюгюнлюкде битеу службала да, бек алгъа уа бизни медиклерибиз, арт заманлада чыкъгъан къоркъуугъа къажау кюрешни аяусуз бардырадыла, кече-кюн демей ишлейдиле. Биз да, онг болгъаны къадар, алагъа болушургъа, аланы кёллендирирге кюрешебиз.
Алай республиканы жамауатындан энтта да бир кере тилерге сюеме. Келигиз, биз да алагъа себеплик этейик, къолубуздан келгенни аямайыкъ! Бек башы – тышына чыкъмай турууду. Юйюгюзде къалыгъыз! Кесигизни бла жууукъ адамларыгъызны сакълагъыз!»

Поделиться:

ЧИТАТЬ ТАКЖЕ:

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.

28.03.2024 - 09:03

ГИТЧЕ ЭМДА ОРТА БИЗНЕСНИ МАГЪАНАСЫ УЛЛУДУ

Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле.

28.03.2024 - 09:03

ИНВЕСТИЦИЯЛАГЪА – ЭНЧИ ЭС

Жангы предприятияла къурарча, производствону кенгертирча, инвестицияла этмей, башхача айтханда ишге ахча салмай боллукъ тюйюлдю.

27.03.2024 - 14:04

КЪАБАРТЫ-МАЛКЪАР РЕСПУБЛИКАНЫ БАШЧЫСЫ К.В.КОКОВНУ РОССЕЙ ФЕДЕРАЦИЯНЫ МИЛЛЕТ ГВАРДИЯСЫНЫ АСКЕРЛЕРИНИ КЮНЮ БЛА АЛГЪЫШЛАУУ

Росгвардияны Къабарты-Малкъар Республикада Управлениясыны хурметли аскерчилери, ишчилери эмда ветеранлары! Сизни Россей Федерацияны Миллет гвардиясыны аскерлерини кюню бла алгъышлайма!

27.03.2024 - 09:07

САКЪАТ САБИЙЛЕ ОКЪУУСУЗ КЪАЛМАЗЧА

Къабарты-Малкъарны Жамауат палатасында республиканы билим бериу учреждениялада сакъат эм къыйын ауругъан сабийлени окъутуу не халда болгъаны тинтилгенди.