Элбрусчулада – ахшы кёрюмдюле

Чегем шахарда грек-рим тутушуудан жаш тёлюню арасында ачыкъ республикалы турнир ётгенди. Ол КъМР-ни физкультурасыны бла спортуну сыйлы къуллукъчусу, СССР-ни спортуну устасы Аслан Аджиевни намысына къуралгъанды. Анга 238 спортчу къатышханды. Къабарты-Малкъарны гёжефлеринден сора да, кюйюзге Санкт-Петербургдан, Къарачай-Черкесден бла Ставрополь крайдан жашла чыкъгъандыла.
Элбрус районда олимпиадалы резервни Байзуллаланы Юсюп атлы спорт школгъа жюрюп юйреннгенле да аман кёрюмдюле болдурмагъандыла. Аладан ючюсю – Гочияланы Абдурахман, Зариф Минасов бла Жашууланы Хасан - кеслери ауурлукъларында ючюнчю жерге чыкъгъандыла. Аланы Россейни сыйлы тренери Локияланы Юрий, насийхатчыла Чеченланы Артур, Ачабайланы Музафар, Этезланы Ибрагим, Балаланы Алим юйретедиле.

Анатолий ТЕМИРОВ.
Поделиться: