КъБР-м и Парламентым и УнафэщI Его­ровэ Татьянэ иджыблагъэ иригъэ­кIуэ­кIащ зи чэзу зэIущIэр.
Депутатхэр хэплъащ «Административнэ хабзэхэр къызэрызэпаудым теухуауэ Къэбэрдей-Балъкъэр Республикэм и Кодексым зэхъуэкIыныгъэхэр хэлъ­хьэ­ным и IуэхукIэ» КъБР-м и законым и проектым.
КъБР-м и Парламентым Жылагъуэ шынагъуэншагъэмрэ Iулъхьэм пэщIэтынымкIэ и комитетым и унафэщI Кривко Ми­хаил и гугъу ищIащ зэхъуэкIыныгъэхэр зы­теухуам - сабийхэр щыджэгу, спортым зыщыхуагъасэ щIыпIэхэм я Iэгъуэблагъэм щхъуантIагъэкIэ зэIузэпэщ ящIа ­лъагъуэхэм деж транспорт щагъэувмэ, ар зейм административнэ жэуап зэрырагъэхьынум.
ЗэIущIэм щытепсэлъыхьащ «Интернет Iэмалыр къагъэсэбэпу никотинрэ апхуэдэ лIэужьыгъуэ гуэрхэр зыхэлъхэмрэ зэращэм, зэрызэбграгъэкIым лъэпощхьэпо хуэхъуным теухуауэ» КъБР-м и законым и проектым. Дэфтэрыр зэхагъэуващ ба­лигъ ныбжьым нэмысахэм никотин зыхэлъ лIэужьыгъуэхэр электроннэ Iэ­мал­хэмкIэ яIэрымыгъэхьэн папщIэ.
ЗэIущIэм къыщытеувыIащ УФ-м и Бюджет, Лэжьыгъэ кодексхэм, хьэрычэт Iуэху мыинымрэ курытымрэ, цIыху сы­маджэм фIэкIыпIэ зимыIэ медицинэ стра­хованэр сэбэп зэрыхуэхъунум, граждан IэнатIэм, нэгъуэщIхэми ятеухуа федеральнэ законхэмрэ жэрдэмхэмрэ.
КъБР-м и Парламентым и зэIущIэм щы­пащэну я мурадщ Iуащхьэмахуэ ­рай­оным. Абы «Правительствэм хухах сы­хьэтым» хыхьэу щытепсэлъыхьынущ «Къэ­бэрдей-Балъкъэр Республикэм бгым лыжэкIэ къызэрыщажыхьым епха туризмэм зыщегъэужьыным теухуауэ» КъБР-м и Законыр зэрагъэзащIэм.