Телевиденэм и IэмалыщIэхэр

Махуэшхуэм ирихьэ­лIэу къызэIуаха IуэхущIапIэхэм ящыщщ Къэ­бэр­дей­-Балъкъэрым бжыгъэм тещIыхьауэ лэжьэну и телевиденэм и IуэхущIапIэщIэр. Журналистхэм я гуфIэгъуэм ­хэтащ КъБР-м и Iэтащхьэ КIуэкIуэ Юрийрэ Уры­-сей Федерацэм и Президентым и полномочнэ лIыкIуэу Кавказ Ищхъэ­-рэ федеральнэ щIыналъэм щыIэ Матовников Александррэ.

Балъкъэрым и уэрамым тет 6-нэ унэр илъэситI хъуауэ зыхуей хуагъа­зэ. Бадзэ­уэгъуэ мазэм ­къащэхуащ бжыгъэм тещIыхьа иджырей Iэмэ­-псы­мэщIэхэр. Зы­хуа­гъэу­выжа пIалъэм къриубыдэу ахэр ягъэуващ, япэ нэ­тынхэри къатащ. Къы­жы­Iапхъэщ те­левиденэм и нэтынхэр, хъыбарыщIэхэр зыгъэ­хьэзыр журналисту, ­ре­дак­тору, режиссёру ­130-р илъэс зыбжанэ хъуа­уэ ПечатымкIэ унэм зэ­-рыщIэ­сыр, я лэжьыгъэр псын­щIэ къащызыщIын ­Iэмал гуэри ямыIэу.

Iэтащхьэмрэ хьэщIэмрэ, республикэм и къулыкъущIэхэр ящIыгъуу щIы­хьащ ­КъБР-м и телевиденэм и унэм. Нэтынхэр щытрах, щелэжьыж пэшхэр, па­вильон Iэхуитлъэ­хуитхэр, ахэр къызэрызэгъэпэща Iэмэ­псымэщIэхэр зрагъэ­лъэгъуащ. ГуфIэгъуэ защIэкIэ а псори къагъэсэбэпыну унафэщI­хэр хэгъэрейхэм ехъуэхъури, къапэплъэ цIыху­хэм къахыхьэжащ.

ЩIэныгъэхэм, Къэбэрдей-Балъкъэрым и къэралыгъуэм, Налшык къалэм я махуэхэмкIэ, апхуэдэуи республикэм и те­левиденэм и унэщIэмкIэ псоми гуапэу ехъуэхъуащ Матовников Александр, зэ­пыу зимыIэ лэжьыгъэфI кърахьэлIэну зэ­ригуа­пэри къыхигъэщащ.

- Ди телевиденэм бжыгъэхэр и лъабжьэу, зэманым лъэщIыхьэ дыдэу щымы­тами, тхыдэ къулей иIэщ, республикэм къыщыхъу псоми набдзэгуб­дзаплъэу кIэ­лъыплъу къогъуэгурыкIуэ, - жиIащ КIуэ­кIуэ Юрий. - Иджыпсту ди къалэныр те­левиденэм и лэжьыгъэр Къэбэрдей-­Балъкъэрым и щIыналъэ псоми щалъа­гъунырщ. Ар ди зэхуэдэ пщэрылъщи, зэ­рытхузэфIэкIынум шэч къытесхьэркъым. ФIыщIэ яхузощI IуэхущIапIэр зы­хуей хуэгъэзэным зи зэфIэкI езыхьэлIа псоми. Ар тыншу щытакъым, ауэ экономикэ щытыкIэ гугъум емы­лъытауэ, унэри зыхуей хуэдгъэзэжри IэмэпсымэщIэхэри зыIэрыдгъэхьащ. ­Си гуапэщ къэрал псор «зэрытIыс- хьэ ­мафIэгум» дыкъызэ­ры­кIэ­рымы-хуар.

Iэтащхьэми къызэрыхигъэщащи, къы­кIэлъыкIуэ лъэбакъуэр мультиплекс па­кетым ди телевиденэр хэгъэхуэнырщ, е «Триколор» спутник телевиденэм канал щхьэхуэу хэувэу сыхьэт 24-кIэ нэтынхэр къату хъунырщ. Иджы абы папщIэ Iэмал псори яIэщ. 

ИСТЭПАН Залинэ. Сурэтыр КЪАРЕЙ Элинэ трихащ.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)