Лъагэу дэлъеинымкIэ урысейпсо зэхьэзэхуэ «Лукашевич Юрийрэ Середкин Вячеславрэ я мемориал» зыфIащар, Челябинск щекIуэкIащ. Куэд зэрыпэплъауи, Къэбэрдей-Балъкъэрым щыщ Акименкэ Михаил къефIэкIын зэпеуахэм къахэкIакъым.
Метри 2-рэ сантиметр 31-рэ лъагагъыр къызэринэкIри, ар ефIэкIащ езы дыдэм Екатеринбург щигъэува, илъэсым и дунейпсо рекордым.
ЕтIуанэ, ещанэ увыпIэ-хэр яубыдащ Цыплаков Даниилрэ Анищенков Никитэрэ. ТIури зэхуэдиз дыдэу - метри 2-рэ сантиметр 23-кIэ дэлъеящ - зыр нэхъ пасэу а лъагагъым щхьэдэхащ, мыдрейр къыкIэлъыкIуэ бгъэдыхьэгъуэрщ абы щыпэлъэ- щар.
Фигу къэдгъэкIыжын- щи, нэгъабэ илъэс 24-рэ ирикъуа Акименкэ Михаил Дохэ щекIуэкIа дунейпсо чемпионатым и дыжьын медалыр къихьащ. Абы и дежкIэ ар япэ балигъ зэхьэзэхуэ ину щытащ.
Иджы Акименкэ зыхуегъэхьэзыр «Битва полов» зыфIаща, атлетикэ псынщIэмкIэ зэхьэзэхуэм. Ар Мэзкуу дэт «Салют Гераклион» спорткомплексым мазаем и 1-м щекIуэкIынущ.