Агъачланы отдан сакъларгъа болушурукъ бусагъатдагъы техника.

Тюнене КъМР-ни Табийгъат байлыкъла эм экология министерствосуна 30-гъа жууукъ техника берилгенди. Ауур жюклю КамАЗ-ла, тракторла, экскаваторла, УАЗ машинала да агъачланы от тюшюуден сакълауда хайырланыллыкъдыла. Бу бёлюмде ишлегенлени къууанчлы иш бла алгъышларгъа РФ-ни Табийгъат байлыкъла эм экология министрини орунбасары - Агъач мюлк жаны бла федерал агентствону таматасы Сергей Аноприенко, КъМР-ни Башчысы Казбек Коков эмда КъМР-ни табийгъат байлыкъла эм экология министри Шауаланы Илияс келгендиле.
Керекли техника «Экология» миллет проектни «Агъачланы сакълау» программасыны чеклеринде бериледи. Аны бла шагъырейлене, Сергей Аноприенко быйыл республикагъа битеу да бирге агъачланы отдан сакълау жумушлада хайырланыллыкъ 80-нге жууукъ машина бла оборудование бериллигин чертгенди. «Бизге уллу борчла салыннгандыла. 2024 жылгъа дери отдан экономикагъа тюшген заранны юч кереге азайтыргъа керекбиз. Регионлагъа болушлукъ этилликди, алай сиз да ишигизни бет жарыкълы толтурурсуз деп ышанабыз», -дегенди ол.
Казбек Коков а республикада агъач мюлкледе ишлерин билген, анга жууаплы кёзден къарагъан адамла уруннганларын чертгенди. «Ала, тийишли техникалары болмагъанларына да къарамай, усталыкъларын асыры сюйгенден, борчларын тийишлисича толтургъандыла. Энди бу машинала бизге боюнубузгъа салыннган жумушланы тындырыргъа, агъачланы сакълаугъа, аланы кёбейтиуге себеплик этериклерине ишексизме»,-деп чертгенди республиканы оноучусу.

Тикаланы Фатима.

Поделиться:

ЧИТАТЬ ТАКЖЕ:

29.03.2024 - 17:29

САКЪАТЛЫКЪЛАРЫ БОЛГЪАНЛАГЪА БОЛУШУРЧА

Къабарты-Малкъарны Жамауат палатасында «тёгерек столда» психикаларында энчиликлери болгъан адамланы реабилитацияларын бардырыуда саулукъ сакълау, социал къорууланыу учрежденияланы эм коммерциялы бо

29.03.2024 - 09:05

БАХЧАЛАНЫ БУЗДАН КЪОРУУЛАРГЪА – 40 МИЛЛИОН СОМ

Быйыл эл мюлк жерлени буз уруудан къорууларча мадарлагъа Къабарты-Малкъарны бюджетинден 40 миллион сом бёлюнюрюкдю.

29.03.2024 - 09:04

КАРТОФДАН БАЙ ТИРЛИК КЪУУАНДЫРАДЫ

Шимал-Кавказстатны управлениясындан  билдиргенлерича, былтыр Къабарты-Малкъарны  мюлклерини барысында да картофдан  154,6 минг тонна  жыйылгъанды.  Ол былтырдан 1,8 процентге кёпдю.

29.03.2024 - 09:04

ТАНГ КЕСЕК КОНСЕРВА ЧЫГЪАРЫЛАДЫ

Къабарты-Малкъар тахта кёгетледен консервала жарашдырыу бла эки жылны ичинде алчы жерни алады. Ол санда былтыр, 363,8 миллион банка чыгъарылгъанды.

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.