Къэбэрдей-Балъкъэр Республикэм и Iэтащхьэ КIуэкIуэ Юрий егъэджакIуэхэм я шыщхьэуIу зэхуэсым хэтхэм

28 августа, 2018 - 06:53

ЗЭРЫЗАХУИГЪЭЗАР

ПщIэ зыхуэтщI ди ныбжьэгъухэ!
Си гум къыбгъэдэкI сэлам фызох Къэбэрдей-Балъкъэр Республикэм и егъэджэныгъэ IэнатIэм и лэжьакIуэхэм я шыщхьэуIу зэхуэсым кърихьэлIахэм. Хабзэ хъуауэ, ар йокIуэкI гъэ еджэ­гъуэщIэм и пэ къихуэу.
ЕгъэджакIуэ IэщIагъэм лъабжьэ хуэхъур творческэ Iуэху зехьэкIэщ. Фэ вбгъэдэлъ Iэзагъым, жэуаплыныгъэ зыхэфщIэу лэжьыгъэм фызэрыпэрытым, дуней еплъыкIэ къулей зэрывиIэм елъытащ къытщIэхъуэ щIэблэм я зэхэщIыкIым и куууагъыр, абыхэм лъапIэныгъэу къалъытэну Iуэхугъуэхэр зыхуэдэнур. Си фIэщ мэхъу: ди егъэджакIуэхэр яполъэщ иджырей егъэджэныгъэм къигъэув къалэн нэхъыщхьэм - зи щхьэ хущытыж, жылагъуэм хэзагъэ, ди къэралым хуэфащэ цIыху къэгъэтэджыным.
Зэманым къыфхуигъэув мардэхэм ящыщщ егъэджэныгъэм и фIагъыр хэгъэхъуэным хуэунэтIа Iуэху зехьэкIэщIэхэмрэ методикэщIэхэмрэ къэфлъыхъуэныр. СызэригугъэмкIэ, нобэрей зэхуэсым къыщыфIэтыну Iуэхугъуэхэмрэ къыщыхэфлъхьэну жэрдэмыщIэхэмрэ сэбэп хъунущ республикэм и егъэджэныгъэ IэнатIэм адэкIи зиужьынымкIэ. Дэ къыдбгъэдэкIыу фыкъы­догъэгугъэ: республикэм и унафэщIхэм дяпэкIи тлъэкI псори тщIэнущ егъэджэныгъэ IэнатIэм пэрытхэм я лэжьыгъэмрэ гъащIэмрэ егъэфIэкIуэным хуэунэтIауэ.
Ди егъэджакIуэхэм, еджакIуэхэмрэ студентхэмрэ, ди республикэм щыпсэу цIыху псоми си гум къыбгъэдэкIыу сыныво­хъуэхъу къэблэгъа махуэшхуэхэмкIэ - Къэбэрдей-Балъкъэр Республикэм и Къэралыгъуэм и махуэмкIэ, ЩIэныгъэхэм я ­махуэмкIэ. Узыншагъэ, насып, зэIузэпэщыныгъэ фиIэну си ­гуапэщ.

  • 32 просмотра

Поделиться:

ЧИТАТЬ ТАКЖЕ:

26.04.2024 - 17:08

ФЭЕПЛЪ ЖЫГ ХАДЭХЭР ЯГЪЭТIЫСЫНУЩ

Урысейм мы гъэм етхуанэу щекIуэкIынущ къыдэкIуэтей щIэблэм я зэхэщIыкIым хэзыгъахъуэ, я щIэжым лъабжьэ быдэ езыгъэщI Iуэхугъуэ дахэ.
26.04.2024 - 17:07

ТЫЗЫЛЫКЪУЭР ПЭЩIЭДЗЭТ

Ди республикэм къухьэпIэмкIэ щежэх Балъкъ и псыхъуэм щхьэщылъагыкI Къэнжал бгыщхьэ тафэ хэшам и Iэхэлъахэм I708 гъэм зыщызэпашауэ щытащ Кърым хъаныгъуэу къэзыухъуреихь лъэпкъхэмрэ къэралыгъуэхэмрэ

26.04.2024 - 09:05

УЭРАМЫР КЪАГЪЭЩIЭРЭЩIЭЖ

Бахъсэн щIыналъэм хыхьэ Дыгулыбгъуей къуажэм мы махуэхэм щызэрагъэпэщыж Бахъсэным и цIэр зезыхьэ уэрам нэхъыщхьэр.
26.04.2024 - 09:03

ОЛИМП ЧЕМПИОНЫР ЯЩЫГЪУПЩЭРКЪЫМ

Олимп джэгухэм я чемпион Новиков Сергей и фэеплъ дунейпсо зэхьэзэхуэ универсальнэ зауэмкIэ (Унифайт) Мэзкуу областым и Домодедовэ къалэм иджыблагъэ щекIуэкIащ.
26.04.2024 - 09:03

КУБОКЫР КЪЫЗДАШЭ

Краснодар крайм иджыблагъэ щрагъэкIуэкIащ Кубаным и Кубокыр футболымкIэ къэхьыным хуэунэтIа зэхьэзэхуэ зэIуха. Саугъэт лъапIэм щIэбэнащ къэралым и щIыналъэхэм щыщ ныбжьыщIи 150-м щIигъу.