Къалгъан-къулгъанладан – къагъыт орунла, пакетле, картон.

Урван районну Герменчик элинде «Нальчикни къагъыт фабрикасы» деген предприятияда бу затдан абериле жарашдыргъан жангы ыз ачылгъанды. Ол толусунлай автомат халда ишлейди, ол санда къалын картонну да жукъартыр онгу барды.
Предприятияны кючю саулай республикадан жыйылгъан эски къагъыт бла ишлерге жетерикди. Бусагъатда мында къалгъан-къулгъанланы беш минг тонна чакълысы жарашдырылады. Келир заманда уа энтта да бир ыз ачаргъа мурат этиледи.
Фабрика 2004 жылда къуралгъанды. Бюгюнлюкде ол къагъыт орунла, пакетле, хуржунла, гофралы къагъыт, картон эмда башха кёп продукция чыгъарады.

Поделиться: