Тарых шартлары - кёп, юйретиу магъанасы - уллу.

Къабарты-Малкъарны уголовный-толтуруучу системасыны (УИС) ветеранлары «Вулкан» деген ат бла тарых магъаналы китапны жыйышдырып, басмалатхандыла. Ол УИС-ни энчи бёлюмю къуралгъанлы 26 жыл толгъанына жораланады,деп билдиргендиле бизге КъМР-де УФСИН-ни пресс-службасындан.
Аны авторлары Залимгери Шогемов бла Анзор Сасиковдула. Алагъа керекли документлени, суратланы жыйышдырыргъа УИС-ни башха ветеранлары уллу болушлукъ этгенлерин да чертирге тийишлиди. Китапда «Вулканны» ал атламларыны, айный баргъаныны эмда бюгюннгю жашаууну юсюнден кёп сейир шартла табаргъа боллукъду. Сёз ючюн, отрядны биринчи башчысы КъМР-де УФСИН-ни таматасы болуп тургъан Ахмед Сиражевич Абидов эмда китапны авторларындан бири, спецназны командири Залимгери Давлетгериевич Шогемов болгъандыла.
Бу системада ишлеп тургъанлай, ишчи борчларын толтура жоюлгъанлагъа китапда энчи жер бёлюнеди. «Вулканда» кёп жылланы махтаулу къуллукъ этип тургъанланы юсюнден да окъуп билирге, аладан юлгю алыргъа да боллукъду.
Документли издание, тарых магъаналы болуу бла чекленип къалмай, аны юйретиу, дидактикалы, билдириу себеби да барды. Анда басмаланнган материалла бу системада къуллукъ этерге келген жаш адамлагъа билимлерин, усталыкъларын ёсдюрюрге да болушуругъу баямды.
Китапны дагъыда бир магъаналы жаны барды - ол бу службаны даражасын кётюрюрге, тёлюлени бир бирлери бла байламлыкъларын кючлендирирге, ахшы тёрелени сакъларгъа себеплик этерикди.

Любовь Адилова.

Поделиться:

ЧИТАТЬ ТАКЖЕ:

29.03.2024 - 09:05

БАХЧАЛАНЫ БУЗДАН КЪОРУУЛАРГЪА – 40 МИЛЛИОН СОМ

Быйыл эл мюлк жерлени буз уруудан къорууларча мадарлагъа Къабарты-Малкъарны бюджетинден 40 миллион сом бёлюнюрюкдю.

29.03.2024 - 09:04

КАРТОФДАН БАЙ ТИРЛИК КЪУУАНДЫРАДЫ

Шимал-Кавказстатны управлениясындан  билдиргенлерича, былтыр Къабарты-Малкъарны  мюлклерини барысында да картофдан  154,6 минг тонна  жыйылгъанды.  Ол былтырдан 1,8 процентге кёпдю.

29.03.2024 - 09:04

ТАНГ КЕСЕК КОНСЕРВА ЧЫГЪАРЫЛАДЫ

Къабарты-Малкъар тахта кёгетледен консервала жарашдырыу бла эки жылны ичинде алчы жерни алады. Ол санда былтыр, 363,8 миллион банка чыгъарылгъанды.

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.

28.03.2024 - 09:03

ГИТЧЕ ЭМДА ОРТА БИЗНЕСНИ МАГЪАНАСЫ УЛЛУДУ

Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле.