|
|
Сёлешиуню ёзек темасы - суу бла жалчытыуну регион программаларына къырал болушлукъ тапдырыу.
14 октября, 2019 - 07:01
Москвада РФ-ни табийгъат байлыкъла эм экология министри Дмитрий Кобылкин бла КъМР-ни Башчысы Казбек Коков суу бла жалчытыуну регион программаларына къыралны жанындан не болушлукъ этилирге боллугъуну юсюнден сёлешгендиле.
Тюбешиуде айтылгъаннга кёре, Россейни Табийгъат байлыкъла эм экология министерствосунда республикагъа «Таза суу» федерал проектни юсю бла эмда эллени комплексли айнытыуну программасына тийишлиликде къошакъ болушлукъ бериуню юсюнден оноугъа къарала турады. Ол ахчаны суу бла жалчытыуну муниципал системаларын аз-аздан жангырта барыугъа, жангы суу ызла тартыргъа, эскилерин алышындырыргъа, элледе бла шахарлада жашагъанла таза суудан къытлыкъ сынамазча этиуге къоратыргъа белгиленеди.
Бюгюнлюкде федерал араны болушлугъуну эмда жер-жерли самоуправленияны органларыны тийишли мадарла этгенлерини хайырындан республиканы талай районунда суу къытлыкъдан къутулургъа онг чыкъгъанды. Инженер инфраструктура объектлеге бла суу ызланы 26 километрден асламына тынгылы ремонт этилгенди, жабылып тургъан 4 скважина ачылгъанды, дагъыда 48-си жангыртылгъанды.
Тюбешиуню ахырында Дмитрий Кобылкин Къабарты-Малкъаргъа «Экология» миллет проектни регион кесегине кийирилген эмда башха башламчылыкъланы да жашауда бардырыргъа къолдан келген себеплик этиллигине ышандыргъанды.
 |
01.05.2024 - 09:03 Республиканы спортну беш тюрлюсюнден жыйымдыкъ командасы олимпиаданы эки кере чемпиону Андрей Моисеевни хурметине бардырылгъан битеуроссей эришиуледен жетишимли болуп къайтханды. |
 |
01.05.2024 - 09:03 Къабарты-Малкъарны хурметли жамауаты!
Сизни Жаз башыны бла Урунууну байрамы бла жюрегимден къызыу алгъышлайма! |
 |
30.04.2024 - 09:03 РФ-ни ФСИН-ини КъМР-де Управлениясыны бахчаларында жаз башы кезиулю ишле башланнгандыла. Бюгюнлюкде 350 гектарда урлукъ салыннганды, - деп билдиргендиле ведомствону пресс-службасындан. |
 |
30.04.2024 - 09:03 Дуния жаратылгъанлы бери адам улусу жашаргъа юй-журт, малына халжар, къора, орун, бау, ашын-сууун тутаргъа гуму, тийресин бегитирге хуна ишлегенди. Ол тёре бюгюнлюкде да барады. |
 |
29.04.2024 - 10:01 Кёнделенни Энейланы Тимур атлы 4-чю номерли школуну Элбрус районда, саулайда республикада даражасы бийикди. |
|
