|
|
МАКЪАМЭМ ЗЭФIЭКI ЩЫЗИIЭХЭР
29 апреля, 2024 - 06:03
Зэпеуэхэр
ГъуазджэхэмкIэ Кавказ Ищхъэрэ къэрал институтым Щэнхабзэмрэ гъуазджэмкIэ и колледжым щекIуэкIащ музыкэ литературэмкIэ «Юный музыковед» олимпиадэм и щIыналъэ Iыхьэр. Ар теухуауэ щытащ урыс композитор цIэрыIуэ Глинкэ М. И. къызэралъхурэ илъэс 220-рэ зэрырикъум.
Олимпиадэр къызэрагъэпэщащ «Методический центр по художественному образованию» IуэхущIапIэм и унафэщI Бэрбэч Беслъэн, ГъуазджэхэмкIэ Кавказ Ищхъэрэ къэрал институтым музыкэмкIэ и егъэджакIуэхэу Шуваловэ Эллэрэ Богуцкая Иринэрэ. КъэпщытакIуэ гупым хэтащ Къардэн Юлэ, Шуваловэ Эллэ, Богуцкая Иринэ.
«М. И. Глинка и его окружение» - арат олимпиадэр зытраухуар. Ар IыхьиплIу зэпыудауэ щытащ. Япэ Iыхьэм зэпеуэм хэт гупхэм зыкъыщрагъэцIыхуащ. КъыкIэлъыкIуэ - «Знаток музыки» Iыхьэм викторинэ щаублащ. «Эрудит» Iыхьэм упщIэхэм жэуап щратащ. «Просветитель» Iыхьэм хыхьэу «М. И. Глинка и А. С. Пушкин» унэ лэжьыгъэр ягъэзэщIащ. Ар теухуат зэпэIэщIэу къызэрагъэпэщ концертым и пэублэ псалъэм.
Зэхьэзэхуэм хэтащ республикэм и сабий музыкэ школхэмрэ гъуазджэхэмкIэ сабий еджапIэмрэ. НыбжьыщIэхэм абы къыщагъэлъэгъуащ макъамэм ехьэлIауэ ябгъэдэлъ щIэныгъэр.
Творческэ лэжьыгъэхэмкIэ унэтIыныгъэм къыхэжаныкIащ Май къалэм ГъуазджэхэмкIэ и сабий школыр, Налшык къалэм ГъуазджэхэмкIэ и сабий школ №1-р, Налшык къалэм и Музыкэ сабий школ №2-р. Зэпеуэм и лауреат зэрыхъуам щыхьэт техъуэ щIыхь тхылъхэр иратыжащ Музыкэ сабий школ №1-м, Прохладнэ къалэм ГъуазджэхэмкIэ и сабий школым, Шэджэм къалэм и Музыкэ сабий школым, Тэрч къалэм ГъуазджэхэмкIэ и сабий школым.
ТЕКIУЖЬ Заретэ.
 |
15.05.2024 - 09:32 Музыкэ театрым накъыгъэм и 7-м концерт гукъинэж щитащ Урысей Федерацэм, Къэбэрдей-Балъкъэр, Къэрэшей-Шэрджэс республикэхэм щIыхь зиIэ я артист, оперэ уэрэджыIакIуэ цIэрыIуэ, Музыкэ театрым и солист |
 |
15.05.2024 - 09:31 Бахъсэн щIыналъэм хиубыдэ къуажэхэм фэеплъ пэкIухэр, зэIущIэхэр, зэхуэсхэр щрагъэкIуэкIащ Хэку зауэшхуэм ТекIуэныгъэр къызэрыщытхьрэ илъэс 79-рэ щрикъум ирихьэлIэу. |
 |
15.05.2024 - 09:29 1941 - 1945 гъэхэм екIуэкIа Хэку зауэшхуэм ди къэралым ТекIуэныгъэ Иныр къызэрыщихьрэ илъэс 79-рэ зэрырикъур дэнэкIи Iэтауэ щагъэлъэпIащ. |
 |
15.05.2024 - 09:27 Прохладнэ районым и полицейхэмрэ жылагъуэ лэжьакIуэхэмрэ Прохладнэ къалэм щыпсэу, Хэку зауэшхуэм и ветеранхэу Ерохинэ Аннэ, Шайн Владимир, Головин Владимир сымэ я деж щыIащ икIи ТекIуэныгъэм и маху |
 |
15.05.2024 - 09:25 Хэку зауэшхуэр зымылъэгъуа щIэблэр абы теухуа уэрэдхэм, усэ-хэм дыщедаIуэкIэ, фильм дыщеплъыжкIэ, дэтхэнэми и щIыфэр егъэтхытх, гущIэгъуншагъэрэ залымыгъэу зэрахьамрэ зыхэтщIэу. |
|
