ШималКавказстатны управлениясындан билдиргенлерича, быйыл малчылыкъда ахшы кёрюмдюле эсленедиле.  Мартны аллында чыгъарылгъан эсеплеге кёре, мюлклени барында да 276,2 тууар саналады. Былтыр бу заман бла тенглешдиргенде, ол 4 мингнге асламды. Аладан 145,1 минги ийнекледиле, мында да 4 процент ёсюм эсленеди. Малланы танг кесеги неда 70,6 проценти энчи иеликлеге жетеди. Ол санда ийнеклени 65,6 проценти.

Ууакъ малланы юсюнден айтханда да, буруннгу жыл бла тенглешдиргенде, 471,9 минг баш саналады. Ол да былтыр бу заман бла тенглешдиргенде, 15 процентге кёпдю. Юй къанатлыланы юсюнден айтсакъ, 4,5 миллион барды, неда былтырдан 4,6 процентге кёп.

Ууакъ малланы да жартысындан асламысы 42,8 проценти энчи иелени къолундады. Юй къанатлыланы да 44 проценти эл мюлк организациялагъа, фермер мюлклеге эм энчи предпринимательлеге жетеди.