|
ТУРИСТ IЭНАТIЭМ ЗЕУЖЬ
30 марта, 2024 - 06:03
Турист IэнатIэм къэралым и щIыналъэхэм зэрызыщаужь щIыкIэм ехьэлIауэ иджыблагъэ зэхагъэува рейтингым нэхъыфIу къыщалъытахэм ящыщщ Къэбэрдей-Балъкъэрыр. Ди республикэр хабжащ абы и лъэныкъуэкIэ зи Iуэху УФ-м щынэхъыфI щIыналъипщIым, абы къыдэкIуэу, КИФЩI-м япэ щыхъуащ.
«Зыужьыныгъэр шэщIауэ унэтIынымрэ ESG-трансформацэмрэ» щIэныгъэ лабораторием иджыблагъэ иригъэкIуэкIа къэпщытэныгъэхэм къарикIуахэм къызэрагъэлъэгъуамкIэ, ди щIыналъэр къэралым щынэхъыфIхэм хагъэхьащ икIи «зызыужьа» нагъыщэр къратащ. Ди республикэм нэмыщI, КИФЩI-м щыщу абы хэтыр Ставрополь крайрщ.
Урысейм и щIыналъэхэм турист IэнатIэм зегъэужьынымкIэ ирагъэкIуэкI лэжьыгъэхэм къарикIуахэр зэхалъхьэжри, абы тещIыхьауэ рейтингыр зэхагъэувауэ аращ. Экспертхэм къапщытащ щIыналъэхэм щыIэ мардэхэм туризмэр къызэритIасэ щIыкIэхэмрэ IэнатIэм зрагъэужьын папщIэ къагъэсэбэп Iэмалхэмрэ.
Мыхьэнэ иIэщ турист IэнатIэр экологие, социальнэ-щэнхабзэ, лъэпкъ, экономикэ мардэхэм зэрыхуэкIуэ щIыкIэми. А псор зэхалъхьэжа нэужьи щIыналъэхэм нагъыщэ зэхуэмыдэхэр хуагъэфащэ: «пэщIэдзэ», «зызыужь», «мащIэу зызыужьа», «зызыужьа», «псоми япэ ища». Абы къыхэкIыуи ди республикэм «зызыужьа» нагъыщэр къыхуагъэфэщащ.
ТАМОКЪУЭ Iэдэм.
|
15.05.2024 - 09:32 Музыкэ театрым накъыгъэм и 7-м концерт гукъинэж щитащ Урысей Федерацэм, Къэбэрдей-Балъкъэр, Къэрэшей-Шэрджэс республикэхэм щIыхь зиIэ я артист, оперэ уэрэджыIакIуэ цIэрыIуэ, Музыкэ театрым и солист |
|
15.05.2024 - 09:31 Бахъсэн щIыналъэм хиубыдэ къуажэхэм фэеплъ пэкIухэр, зэIущIэхэр, зэхуэсхэр щрагъэкIуэкIащ Хэку зауэшхуэм ТекIуэныгъэр къызэрыщытхьрэ илъэс 79-рэ щрикъум ирихьэлIэу. |
|
15.05.2024 - 09:29 1941 - 1945 гъэхэм екIуэкIа Хэку зауэшхуэм ди къэралым ТекIуэныгъэ Иныр къызэрыщихьрэ илъэс 79-рэ зэрырикъур дэнэкIи Iэтауэ щагъэлъэпIащ. |
|
15.05.2024 - 09:27 Прохладнэ районым и полицейхэмрэ жылагъуэ лэжьакIуэхэмрэ Прохладнэ къалэм щыпсэу, Хэку зауэшхуэм и ветеранхэу Ерохинэ Аннэ, Шайн Владимир, Головин Владимир сымэ я деж щыIащ икIи ТекIуэныгъэм и маху |
|
15.05.2024 - 09:25 Хэку зауэшхуэр зымылъэгъуа щIэблэр абы теухуа уэрэдхэм, усэ-хэм дыщедаIуэкIэ, фильм дыщеплъыжкIэ, дэтхэнэми и щIыфэр егъэтхытх, гущIэгъуншагъэрэ залымыгъэу зэрахьамрэ зыхэтщIэу. |
|