«Баксанский вестник» газетыр илъэс 80 зэрырикъур ягъэлъапIэ.

Бахъсэн щIыналъэ администрацэм и пэшыш­хуэм иджыблагъэ ще­кIуэкIащ «Баксанский вестник» газетым и япэ но­ме­рыр къызэрыдэкIрэ илъэс 80 зэрырикъум теухуа гуфIэгъуэ зэхыхьэ.
Газетым и цIэр мызэ-мытIэу ихъуэжащ: «Большевистский путь», «Свет коммунизма» цIэхэр иIэу къыдэкIащ япэщIыкIэ. Бахъ­сэн, Iуащхьэмахуэ, Шэ­джэм, Дзэлыкъуэ щIыналъэхэм хыхьэу Бахъсэн щIыналъэ колхоз-совхоз управленэ къызэрагъэпэща нэужь, газетыр, «Коммунист» фIащри, КПСС-м и Къэбэрдей-Балъкъэр обкомымрэ КъБАССР-м и Министрхэм я Советымрэ егъэщIылIа а управленэм и органу къыдэкIыу хуежьащ. 1991 гъэм газетым иджыпс­ту зэрихьэ «Баксанский вес­тник» цIэр игъуэтащ.
ГуфIэгъуэ зэIущIэм кърихьэлIащ редакцэм и лэжьакIуэхэр, абы штатым хэмыт и корреспондентхэр, зи гъащIэ псор район газетым быдэу пыщIауэ къе­кIуэкIахэр.
Зи юбилейр зыгъэлъапIэхэм ехъуэхъуну къахуеб­лэгъащ КъБР-м щэнхабзэмкIэ и министр Къумахуэ Мухьэдин, Бахъсэн щIыналъэм и прокурор Башорэ Аслъэн, КъБР-м и Журналистхэм я зэгухьэныгъэм и унафэщI Шаваевэ Разият, республикэ, район, къалэ газетхэм я редакторхэр, ­къуажэ унафэщIхэр, райо­ным ит IуэхущIапIэ зэмы­лIэу­жьыгъуэхэм я лIыкIуэ­хэр.
Къызэхуэсахэм хъуэхъу псалъэкIэ захуигъэзащ щIыналъэм и администрацэм и унафэщI Балъкъыз Артур. ХъыбарегъащIэ IэнатIэм епха технологиехэм уалъэщIэмыхьэным хуэдизу зыщаужь мы лъэхъэнэм район газетым хузэфIэкIащ зэманым дэбакъуэу и лэжьыгъэр къызэригъэпэ­щын, и щIэджыкIакIуэхэр нэхъ зыщIэупщIэхэм япэ­джэ­жын, жиIащ Балъкъызым.
Къумахуэ Мухьэдин зи махуэшхуэр зыгъэлъапIэхэм защыхуигъазэм къы­хигъэщащ газетым и лэжьакIуэ гупыр я къалэнхэм фIы дыдэу зэрехъулIэр. «Нобэ газетыр зыщIхэр творческэ жыхуэтIэ цIыху гумызагъэхэщ, зи IэщIагъэм хуэIэзэхэщ. Зи лэжьыгъэр фIыуэ зылъагъу, ехъу­лIэныгъэщIэхэм хуэпабгъэ, Iуэхум творческэу бгъэ­дыхьэ гупым адэкIи газетыфI къызэрыдэвгъэкIынум шэч къытесхьэркъым», - жиIащ абы.
ЗэIущIэр езыгъэкIуэкIхэр къызэхуэсахэм яхутепсэ­лъыхьащ газетым къикIуа гъуэгуанэ кIыхьым щыщ напэкIуэцIхэм, щIыналъэм­рэ абы щыпсэухэмрэ хьэ­лэлу яхуэлэжьахэр ягу къагъэкIыжащ, газетым къыщекIуэкI хабзэ дахэхэм я ­гугъу ящIащ. А хабзэ дахэхэм нобэ пащэу я IэнатIэм пэрытщ газетым и редактор нэхъыщхьэ Доткъул Сэфарбий зи пашэ лэжьакIуэ гупыр.
Хьэлэлу зэрылажьэм, я IэщIагъэм фIыуэ зэрыхащIыкIым папщIэ газетым и лэжьакIуэхэр ягъэпэжащ КъБР-м и Правительствэм, республикэм ЩэнхабзэмкIэ и министерствэм, щIыналъэ администрацэм, Уры­сейм и Журналистхэм я зэгухьэныгъэм я щIыхь тхылъ­хэмкIэ, IуэхущIапIэ зэ­хуэ­мыдэхэм я дамыгъэ­хэмкIэ.
ГуфIэгъуэ пшыхьыр ягъэ­дэхащ щIыналъэм и уэрэ­д­жыIакIуэ, къэфакIуэ па­жэхэм.

УЛЫМБАЩ Лерэ, Бахъсэн щIыналъэм и администрацэм и пресс-IуэхущIапIэм и лэжьакIуэ.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)