Кёп болмай КъМР-ни Сатыу-алыу палатасыны таматасы Хасан Гукетлов КъМКъУ-ну ректору Юрий Альтудовха «Информация эм санаучу техника» билим бериу программа профессионал-жамауат аккредитацияны жетишимли ётгенине шагъатлыкъ къагъыт бергенди.
Бюгюнлюкде университетни Информатика, электроника эмда компьютер технологияла институтунда окъургъа сюйгенле кёпдюле. Анда «Автоматизированные системы обработки информации и управления» эмда «Программное обеспечение средств вычислительной техники и автоматизированных систем» деген усталыкълагъа юйренирге онг барды. Кёп болмай а «Волгоградны сатыу-алыу палатасы» деген аккредитация союзда ол къырал стандартлагъа келишгенине шагъатлыкъ къагъыт берилгенди.
- КъМР-де электронщиклени бла программистлени хазырлау бийик профессионал даражада бардырылады. Окъууну бошагъанла белгили IT – компаниялада кеслерине терк иш тапханлары анга дагъыда бир кере шагъатлыкъ этеди, деп билдиреди Хасан Гукетлов.