Россейни МЧС-ини Къабарты-Малкъарда Баш управлениясында, ведомствону дознание органларына 69 жыл толгъанына аталып, энчи къауумну къууанчлы жыйылыуу болгъанды.

Къутхарыучуланы байрамлары бла управленияны башчысы ич службаны генерал-майору Михаил Надёжин алгъышлагъанды. Ол аманлыкъ ишлени тинтиуде от тюшюу бла байламлы болумланы сылтауларын тохташдырыу эм къыйыннга саналгъанын, от битеу ызланы, аманлыкъчыладан къалыргъа болгъан бир затны къоймагъанын белгилегенди. Дознавательни борчу къыйын болум бла нек чыкъгъанын, анга кимни хатасы жетгенин билиргеди, мен сизге ишигизде жетишимле бла саулукъ тежейме, дегенди.

 Дознание органланы  жетишимли болгъан келечилери майдалла, сыйлы грамотала, ыразылыкъ къагъытла бла саугъаланнгандыла. Алагъа Тамерлан Алоев, Артур Тохов, Малкъондуланы Ахмат, Къазакъланы Адам, Аслан Бжеников эм башхала тийишли болгъандыла.

Кульчаланы Зульфия.