«Донну кубогу» деген аты бла тхэквондону олимпиада тюрлюсюнден битеуроссей эришиу бардырылгъанды. Аны ахыр кюнюнде Къабарты-Малкъарны спортчулары кеслерини жыл сан эм ауурлукъ къауумларында тогъуз майдал къытхандыла. «Алтынла» бла Эстелла Пшихачева бла Дамир Гусейнов саугъаланнгандыла. Экинчи жерлеге Къурманланы Эмилия, Мадина Сатушиева, Созайланы Артур, Эвелина Пафифова  чыкъгъандыла, «доммакъланы» да ючеулен алгъандыла. Кубокну биринчи кюнюнде да спортчуларыбыз онеки майдалгъа тийишли болгъандыла.

Ызы бла гитче спортчуланы араларында «Донну сабийлери» деген эришиу болгъанды. Анда да республикабызны келечилери юч алтын, бир кюмюш бла эки жоммакъ майдал къытхандыла.

Битеукоманда эсепде Къабарты-Малкъарны къаууму ючюнчю жерге чыкъгъанды, биринчи эки жерде уа Краснодар крайны бла Ростов областьны келечилери орналгъандыла.

Кульчаланы Зульфия