Тюнене Прохладна районну Солдатская элинде Грицай атлы орамда орналгъан юйлени биринде от тюшюуню юсюнден къутхарыучулагъа кече он бола билдирилгендиле. РФ-ни МЧС-ни КъМР-де Баш управлениясыны пресс-службасыны таматасы Кантемир Беровну айтханына кёре, терк окъуна ары 12 от ёчюлтюучю эм 2 энчи техника тебиреген эдиле.

Ала 80 квадрат метрге жайылгъан отну 22 сагъат 35 минутда ёчюлтюп, мыдыхлары андан ары хата салмазча этген эдиле.

- Жарсыугъа, от тюшюуню кезиуюнде юйде бир эр киши бла тиширыу бар эдиле. Тиширыу ёлгенди, эр кишини уа жаралары бла Ара район больницагъа тапдыргъандыла. Жылны аллындан бери бу экинчи жарсыулу болумду, - деп билдиргенди Кантемир Беров.

Къасымланы Аминат.