Къабарты-Малкъар Республиканы Башчысы Юрий Коков Instagram страницасында  «Къабарты-Малкъар» МПК-ны  эмда тылны жалчытыучу кёп фунциялы «Эльбрус» атлы  кемени экипажларын, битеу россейли морякланы, службаны ветеранларын Россейни Аскер-Тенгиз флотуну кюню бла алгъышлагъанды:
«Тенгиз аскерчиле къайсы заманлада да Ата журтубузну тенгиз чеклерин  къоруулап келедиле, ала кишиликни, батырлыкъны, борчха кертичиликни  юлгюлеридиле.
Къабарты-Малкъарда жашагъанла Балтика эм Север флотлада «Къабарты-Малкъар» МПК-да эмда тылны жалчытыучу кёп функциялы «Эльбрус» атлы  кемеде тийишли халда вахта бардырылгъаны бла ёхтемленедиле. Республика аланы экипажлары бла къысха байламлыкъ да жюрютеди.
Профессионал байрамыгъыз бла алгъышлайма, саулукъ-эсенлик, насып, мамырлыкъ эмда Ата журтубузну деменгилиги ючюн бардыргъан къуллугъугъузда жетишимле тежейме».