«Олимпийская деревня-80» спорт арада грек-рим тутушуудан эки кюнню ичинде Москваны биринчилиги бардырылгъанды, анга 21 жыллары толмагъан гёжефле къатышхандыла. Мында хорлагъанлагъа къыралны биринчилигинде эриширге эркинлик берилгени себепли, спортчула майдалла ючюн къарыуларын, усталыкъларын да аямагъандыла.

Эсеплеге кёре, республикабызны келечилери ахшы тутушхандыла. Кеслерини ауурлукъ къауумларында биринчи жерлеге Улбашланы Адам, Руслан Ортанов, Жантемир Таов чыкъгъандыла. «Кюмюшню» - Тилланы Джабраил, «доммакъны» уа Бапыналаны Къурман алгъандыла.

Кульчаланы Зульфия.