|
|
НЭХЪЫФIХЭР ЯГЪЭПАЖЭ
10 января, 2024 - 07:01
Урысейм къызэрымыкIуэ щытыкIэхэмкIэ и IуэхущIапIэр къызэрызэрагъэпэщрэ илъэс 33-рэ зэрырикъум, Урысейм и КъегъэлакIуэм и махуэм, 2023 гъэм я лэжьыгъэм кърикIуахэм теухуа зэIущIэ иригъэкIуэкIащ МЧС-м и Управленэ нэхъыщхьэу КъБР-м щыIэм.
ЯпэщIыкIэ удз гъэгъахэр щагъэтIылъащ Къэбэрдей-Балъкъэрым и мафIэсгъэункIыфIхэм я фэеплъым деж.
ЗэIущIэр ирагъэкIуэкIащ МЧС-м и Управленэ нэхъыщхьэу КъБР-м щыIэм и унафэщI Надежин Михаилрэ Къэбэрдей-Балъкъэрым МафIэсым пэщIэт-къегъэлакIуэ и IуэхущIапIэм и директор Къардэн Анзоррэ Абы кърихьэлIащ IэнатIэхэм я лэжьакIуэхэр, Урысей МЧС-м и ветеранхэмрэ кърагъэблэгъа хьэщIэхэмрэ.
КъызэрымыкIуэ щытыкIэхэр къэмыгъэхъуным, апхуэдэхэм я лъэужьхэр гъэкIуэдыжыным ехьэлIауэ зэфIагъэкIахэм теухуауэ къэпсэлъащ Надежин Михаил. Ар мафIэсгъэункIыфIхэмрэ къегъэлакIуэхэмрэ ехъуэхъуащ икIи къыхигъэщащ абыхэм я лэжьыгъэм ехъулIэныгъэхэр зэрыщаIэр.
АдэкIэ къэпсэлъащ Къардэн Анзор. Абы я IэщIагъэм хуэIэижь гупым фIыщIэ яхуищIащ республикэм щыпсэухэм я шынагъуэншагъэр къызэгъэпэщыным зэрыхуэлажьэм папщIэ.
ХьэщIэхэм я нэгу зрагъэужьащ творческэ гупхэм я концертым.
Лэжьыгъэм къыщыхэжаныкIахэм къыхуагъфэща дамыгъэхэр щратащ зэIущIэм..
БАХЪСЭН Ланэ
 |
07.05.2024 - 09:00 «Псы ежэх» мыхьэнэ иIэу абхъазыбзэм къыхэна «пш» псалъэпкъым хуэдэ нэхъапэхэм адыгэбзэми хэтауэ къэтлъытэмэ, мы тхыгъэр зэхьэлIа щIыпIэцIэхэм хуэкIуэу, филологие щIэныгъэхэмкIэ доктор, профессор КI |
 |
07.05.2024 - 09:00 (Хъыбар)
|
 |
07.05.2024 - 08:59 Урысейм и социальнэ фондым и къудамэу Къэбэрдей-Балъкъэрым щыIэм дызэрыт илъэсым зэрыщIидзэрэ сабий мин 38-м я адэ-анэм, цIыхубз уэндэгъухэм зыуэ ират ахъшэ пособиехэр хуагъэуващ. |
 |
06.05.2024 - 12:35 КъБР-м и Лъэпкъ музейм и пэшхэм зэуэ выставкэ зыбжанэ щагъэлъагъуэ: «Монументальный Нальчик», «Музыка танца», аэроклубыр Налшык къызэрыщызэIуахрэ илъэс 90 зэрырикъум теухуар. |
 |
06.05.2024 - 09:25 Налшык сабий сад №49-м и гъэсэн цIыкIухэм адыгэ ныпыр ирагъэцIыхуащ. Абы теухуа пшыхь гъэщIэгъуэн иригъэкIуэкIащ IуэхущIапIэм и лэжьакIуэ, сабийхэр адыгэбзэм хуезыгъаджэ Жэрыщты Аринэ. |
|
