|
|
ТЕХНИКЭЩIЭКIЭ КЪЫЗЭРАГЪЭПЭЩ
10 января, 2024 - 06:03
ИлъэсыщIэ дызыпежьэм ирихьэлIэу Урысей МЧС-м къыбгъэдэкI автомашинэрэ мафIэс-къегъэлакIуэ техникэу 6 къаIэрыхьащ республикэм щыIэ и IуэхущIапIэм.
Урысей МЧС-м и Управленэ нэхъыщхьэу КъБР-м щыIэм и унафэщI, къэрал кIуэцI къулыкъум и генерал-майор Надежин Михаил техникэщIэм и сертификатхэр яритащ абы ирилэжьэнухэм.
Налшыкрэ Прохладнэрэ щыIэ IэнатIэхэм яIэрыхьащ транспорти 4. Иджырей IэмэпсымэхэмкIэ къызэгъэпэща автомашинэхэр хуэщIащ псэупIэ унэхэм, ухуэныгъэхэм, промышленнэ IуэхущIапIэхэм мафIэс къыщыхъумэ ар гъэункIыфIыным, къегъэлакIуэ лэжьыгъэхэр егъэкIуэкIыным, щIыпIэм мафIэсгъэункIыфIхэмрэ мафIэсым зэрыпэув техникэхэмрэ нэгъэсыным. Иджырей автоцистернэхэм йохуэ псы литр 4000-м къыщыщIэдзауэ 6000-м нэс, хуэщIащ тхъурымбэ литр 350-рэ зэхэщIэным, ахэр къыщагъэсэбэпыфынущ узэкIуэлIэну гугъу щIыпIэхэм.
А псоми къадэкIуэу, щIыналъэ МЧС-м и автопаркым къыхэхъуащ гупыр къызэрырашэкIыну автобуси 2.
- ТехникэкIэ тэмэму дыкъызэрызэгъэпэщам Iэмал къет Урысей МЧС-м и къудамэхэм къызэрымыкIуэ щытыкIэхэр гъэкIуэдыжыным трагъэкIуадэ зэманыр ягъэмэщIэнымкIэ, къапэщылъ къалэнхэр нэсу ягъэзэщIэнымкIэ, - къыхигъэщащ Надежин Михаил.
Мыгувэу лэжьэн щIэдзанущ техникэхэм. Ахэр къаIэрыхьащ федеральнэ бюджетым и мылъкукIэ - къет Урысей МЧС-м и Управленэу КъБР-м щыIэм и пресс-IуэхущIапIэм.
БАХЪСЭН Азэмэт.
 |
07.05.2024 - 09:00 «Псы ежэх» мыхьэнэ иIэу абхъазыбзэм къыхэна «пш» псалъэпкъым хуэдэ нэхъапэхэм адыгэбзэми хэтауэ къэтлъытэмэ, мы тхыгъэр зэхьэлIа щIыпIэцIэхэм хуэкIуэу, филологие щIэныгъэхэмкIэ доктор, профессор КI |
 |
07.05.2024 - 09:00 (Хъыбар)
|
 |
07.05.2024 - 08:59 Урысейм и социальнэ фондым и къудамэу Къэбэрдей-Балъкъэрым щыIэм дызэрыт илъэсым зэрыщIидзэрэ сабий мин 38-м я адэ-анэм, цIыхубз уэндэгъухэм зыуэ ират ахъшэ пособиехэр хуагъэуващ. |
 |
06.05.2024 - 12:35 КъБР-м и Лъэпкъ музейм и пэшхэм зэуэ выставкэ зыбжанэ щагъэлъагъуэ: «Монументальный Нальчик», «Музыка танца», аэроклубыр Налшык къызэрыщызэIуахрэ илъэс 90 зэрырикъум теухуар. |
 |
06.05.2024 - 09:25 Налшык сабий сад №49-м и гъэсэн цIыкIухэм адыгэ ныпыр ирагъэцIыхуащ. Абы теухуа пшыхь гъэщIэгъуэн иригъэкIуэкIащ IуэхущIапIэм и лэжьакIуэ, сабийхэр адыгэбзэм хуезыгъаджэ Жэрыщты Аринэ. |
|
