|
УАЕ ДАДЭХЭР ЛЪАКЪУЭРЫГЪАЖЭКIЭ КЪЫЗЭДОЖЭ
6 января, 2024 - 06:25
Налшык къалэм ИлъэсыщIэм и япэ махуэр ирагъэжьащ Уае Дадэхэр лъакъуэрыгъажэкIэ къызэдэжэу. Ар къызэригъэпэщащ къалэм зегъэужьынымкIэ «Платформа» институтым.
ЗэгурыIуэныгъэм и утым щрагъэжьащ а Iуэху хьэлэмэтыр. Лъакъуэрыгъажэ тес Уае Дадэхэм ЩоджэнцIыкIумрэ Къуэныкъуеймрэ я цIэхэр зезыхьэ уэрамхэм къыщажыхьа нэужь, Абхъазым и утым екIуэлIэжащ.
«Платформа» институтым и унафэщI Шыхъуэстэн Оксанэ и псалъэм къыхигъэщащ а Iуэхур илъэс зыбжанэ и пэкIэ къызэрыхалъхьар икIи абы гъунэгъу къалэхэм щыщ Уае Дадэхэри я гуапэу къызэрыхыхьэр.
- Мы гъэм лъакъуэрыгъажэкIэ къызэдэжэным хэтыну зи мурада Уае Дадэ зыбжанэ къэкIуэфакъым, сымаджэ зэрыхъуам къыхэкIыу. Аращ мы Iуэхум хэтахэм я бжыгъэр нэхъ мащIэ щIэхъуам и щхьэусыгъуэри, - жиIащ Шыхъуэстэн Оксанэ. – Мы гъэм зэхыхьэм хэтахэр «Платформа» институтым едгъэблэгъэнурэ щIыхь тхылъхэмрэ саугъэтхэмкIэ дащыхуэупсэнущ.
Уае Дадэ 30-м нэблагъэ я лъакъуэрыгъажэхэм тесу Iуэхум хэтащ. «Платформа» институтым и лэжьакIуэхэм абыхэм Уае Дадэ пыIэ плъыжь цIыкIухэр хуагуэшащ. Къапщтэмэ, зэхыхьэм хэта, белорус лъэпкъ щэнхабзэ центрым и унафэщI Сидорук Павел Уае дадэм и фэилъхьэгъуэ щыгъыу, и пыIэри щхьэрыгъыу къэкIуат, жьакIэ хужьи тету..
ТЕКIУЖЬ Заретэ.
|
11.05.2024 - 12:25 Зэ еплъыгъуэкIэ къыпщыхъунщ литературэр математикэм, социологием, физикэм, экономикэм, биологием, нэгъуэщI щIэныгъэхэми зыкIи емыпхауэ. |
|
11.05.2024 - 09:03 Къэбэрдей-Балъкъэрым щыщ Прохладнэ щIыналъэм и Приближнэ къуажэм зи узыншагъэкIэ сэкъат зиIэ сабийхэр щрагъаджэу дэт школ-интернат №2-м и гъэсэн цIыкIухэр къыщыхэжаныкIащ Сочи къалэм и «Сириус» фед |
|
11.05.2024 - 09:03 ТекIуэныгъэм и махуэ къэблэгъам пежьэри, Кэнжэ къуажэм иджыблагъэ дзюдомкIэ зэхьэзэхуэ щрагъэкIуэкIащ. Абы щызэпеуащ 2011 гъэм къалъхуа ныбжьыщIэхэр - псори зэхэту 113-рэ. |
|
10.05.2024 - 12:25 ЦIыхум и лъэр нихьэсащ хы лъабжьэми, къуршу щыIэм я нэхъ лъагэми, хьэршми. Ари хъунт и Iэужь къыщимынэу, щIыуэпсым хэмыIэбэу, пщIэ хуищIу щытатэмэ. |
|
10.05.2024 - 09:03 2024 гъэм накъыгъэм и 1-м къыщыщIэдзауэ къару игъуэтащ хабзэщIэм - зи пIалъэр икIа, жьы хъуа гъэшхэкIхэр, псыхэкIхэр тыкуэнышхуэхэм я кассэхэм дяпэкIэ щыпхагъэкIынукъым. |
|