Къабарты-Малкъарны хурметли жамауаты! Багъалы жерлешлерим! Сизни келе тургъан 2024 жыл бла жюрегимден алгъышлайма!
Бу байрам кюнледе биз ишлерибизни эсеплерин чыгъарабыз, келир заманнга борчла салабыз. Тауусула тургъан жылда къыстау урунургъа, жууаплы оноула этерге да тюшгенди. Ол къыралыбызны жашауунда болгъан магъаналы ишле бла да эсде къаллыкъды.
Республикада да озуп баргъан жылда кёп зат этилгенди – жолла, жашау журтла, спорт эмда социал мекямла ишленнгендиле. Келе тургъан жылда да биз алгъа барыуубузну тохтатмазлыгъыбызгъа ишексизме. Къабарты-Малкъарны келир заманы аламат болмай къаллыкъ тюйюлдю. Битеу кючюбюзню бирикдирсек, не уллу сынауладан да ёталлыкъбыз, келир заманны борчларын толтураллыкъбыз эмда туугъан республикабыз жашнарча эталлыкъбыз.
Жангы жылны байрамы биз барыбыз да сюйген эмда умутчу болуп сакълагъан байрамладан бириди. Ол жашауубуз бютюнда иги эмда ырахатлы боллугъуна ышаныулукъ береди.
Багъалы жерлешлерим! Сизге кийик саулукъ, узакъ ёмюр, мамырлыкъ эмда монглукъ тежейме! Жашауугъуз къууанчдан, сюймекликден толсун, ахшы умутла таукеллик берсинле! Таматаланы ышарыулары жюреклеригизни жылытханлай турсун! Жангы жыл бла!
Мусукланы Алий,
КъМР-ни Правительствосуну
Председатели.