«Динамо» урысейпсо физкультурэ-спорт ­зэгухьэныгъэр къызэрызэрагъэпэщрэ илъэсищэ зэрырикъум и щIыхькIэ къыдагъэкIа ­медалыр Урысей Федерацэм СпортымкIэ и ­министерствэм къыхуигъэфэщащ «Динамо» щIыналъэ къудамэм и унафэщIым и къуэдзэ, къэрал кIуэцI къулыкъум и подполковник ­Джэданэ Залым. 

Къэрал кIуэцI IуэхухэмкIэ министру респуб­ликэм щыIэ, полицэм и генерал-лейтенант Павлов Василий Джэданэ Залым дамыгъэ лъапIэр къритыжащ икIи узыншагъэ быдэ иIэну, уна­гъуэкIи зэIузэпэщу псэуну ехъуэхъуащ.
- Илъэс куэд хъуауэ лэжьыгъэшухэ ибогъэ­-кIуэкI республикэм и хабзэхъумэ IэнатIэм къу­лыкъу щызыщIэхэр къарукIэ псыхьауэ щытын ­папщIэ. Си фIэщ мэхъу адэкIи уи зэ­фIэкIым а унэтIыныгъэм нэхъри зэрызригъэубгъунур, ар зэрыригъэфIэкIуэнур. Уи къу­лыкъу­ми спортми ехъулIэныгъэщIэхэр ущиIэну сы­нохъуэхъу! - ­къыхигъэщащ Павлов Ва­силий. 
 
БАХЪСЭН  Азэмэт.