УФ-м Къэралым шынагъуэншагъэ къыщызэгъэпэщынымкIэ и органхэм я лэжьакIуэхэмрэ и ветеранхэмрэ я махуэмкIэ сохъуэхъу.
Мы махуэм дэ догъэлъапIэ пэжу, псэемыблэжу хэкум къулыкъу хуэзыщIэ цIыху къарууфIэхэр, хахуэхэр, къэралым и конституцэ ухуэныгъэмрэ щхьэхуитыныгъэмрэ зыхъумэхэр.
Фэ фи лэжьыгъэм къыфхуегъэув щIэныгъэ куу вбгъэдэлъыным и мызакъуэу, Iэзагъышхуэ, апхуэдэу шыIэныгъэшхуэ, хахуагъэрэ лIыгъэрэ фхэлъын хуейуэ. А зэфIэкI лъагэхэр зэрабгъэдэлъымкIэ адрейхэм сытым щыгъуи къахощ ФСБ-м и управленэу КъБР-м щыIэм и лэжьакIуэхэр.
Нобэ щыIэ щытыкIэ гугъум фэ ехъулIэныгъэ фиIэу фапэщIэтщ экстремизмэмрэ терроризмэмрэ, Iулъхьэ зэIэпыхынымрэ щIэпхъаджащIэ гуп зэщIэгъэуIуахэм ялэжь хабзэншагъэхэмрэ, фи гуащIэшхуэ хыволъхьэ республикэм мамырыгъэмрэ зэпIэзэрытыныгъэмрэ щыхъумэным, цIыхухэм я хуитыныгъэр къызэгъэпэщыным.
Хэкум псэемыблэжу фызэрыхуэлажьэм, фи къулыкъум фызэрыхуэпэжым папщIэ фIыщIэ фхузощI.
Апхуэдэу псалъэ гуапэхэр яхуэфащэщ IэнатIэм и ветеранхэми. Абыхэм Iуэхум хуаIа бгъэдыхьэкIэр я щапхъэщ щIыналъэ управленэм иджыпсту щылажьэхэм.
Си гумрэ си псэмрэ къабгъэдэкIыу фи махуэшхуэмкIи къэблагъэ илъэсыщIэмкIи сынывохъуэхъу узыншагъэ быдэ, насып, зэIузэпэщыгъэ фиIэну, фызыпэрыт къулыкъум ехъулIэныгъэхэр щызыIэрывгъэхьэну.