Кёп болмай КъМР-ни Жаш тёлю правительствосу энчи аскер операциялагъа къатышхан жерлешлерибизге гуманитар болушлукъ жибергенди.
Ол аскерчилерибизге болушлукъ тапдыргъан «Ни шагу назад» волонтёр къымылдаугъа берилгенди. Хар замандача, посылкагъа аш-суу, жылы кийимле, дарманла, адамгъа биринчи керек затла эм башха затла киргендиле.
Жаш тёлю правительствону келечилери айтханнга кёре, бюгюнлюкде жамауат болмагъанча бирлешгенди эм не бла да аскерчилерибизге болушургъа хазырды. Ол а хорламны жууукълашдыргъан баш шартладан бириди.
Волонтёрла бла тюбешиуде жамауат организацияны башчысы Байсыланы Темиржан, Жаш тёлю правительствону таматасы Байтуугъанланы Исмайыл, арада байламлыкъны кючлерге келишгендиле. Ахырында ишлери бла айырмалылыкъларын кёргюзтгенлерине, ол санда СВО-гъа къатышханлагъа болушханларына ыспас этгендиле эм грамота бла саугъалагъандыла.