Гитче эмда орта бизнес бла кюрешгенле юридический жаны бла консультацияланы хакъ тёлемей алыргъа боллукъдула. Алагъа аллай онг МСП Корпорация ачхан «Правовой гид» платформада бериледи, деп билдиргендиле КъМР-ни Экономиканы айнытыу министерствосундан.

Бу платформада предпринимательле бизнес къурау, документлени жарашдырыу, келишимле этиу жаны бла жумушларын жалчыталлыкъдыла. «Ишде юрисконсульт тутаргъа кёплени онглары жокъду. Аллай жумушла чыкъсала уа, предпринимательле къайры барсынла… Аладан бизге тюрлю-тюрлю темалагъа соруула келгенлей турадыла. Ма аны кёргенибизден сора бу сервисни жарашдырыргъа оноу этгенбиз. Ол дайым ишлерикди, кеси да хакъсызды», – дегенди сагъынылгъан Корпорацияны башчысы Александр Исаевич.

Платформа озгъан айны ортанчыларында сынам халда ишлеп башлагъанды. Андан бери аны кёпле хайырын кёргендиле. Аланы оюмлары уа сервисни бютюнда иги этерге болушурукъдула.

Бизни корр.