Бахъсэн къалэ администрацэм и Iэтащхьэ Мамхэгъ Хьэчим иджыблагъэ яIущIащ куейм и спортсменхэу дызэрыт илъэсым спортым ехъулIэныгъэ щызиIахэм, абыхэм я тренерхэм, щIыпIэ спорт еджапIэхэм я унафэщI-хэм.
Мамхэгъыр тепсэлъыхьащ я щIыналъэм щыIэ спорт ухуэныгъэхэр зэIузэпэщ щIыным, зыхуей-зыхуэфIхэмкIэ къызэгъэпэщыным ехьэлIауэ ирагъэкIуэкI лэжьыгъэхэм, спорт ухуэныгъэхэр здынэсам, апхуэдэуи къригъэблэгъахэм фIыщIэ яхуищIащ IэнатIэм зегъэужьыным я къару, я гуащIэ зэрыхалъхьэм папщIэ.
Бахъсэн къалэ администрацэм и унафэщIым фIыщIэ тхылъхэр яритащ Урысей Федерацэм спорт бэнэкIэ лIэужьыгъуэхэмкIэ пашэныгъэр къэхьыным хуэунэтIауэ екIуэкIа зэIущIэхэм къыщыхэжаныкIа Бакъей Джэмалрэ СантIыкъ Мусарэ, самбэмкIэ дунейпсо зэпеуэм щыте-кIуа Беслъэней Темырлан, УФ-м самбэмкIэ и зэхьэзэхуэм къыщыхэжаныкIа Къудей Беслъэнрэ КъуэщIысокъуэ Темырланрэ, УФ-м армрестлингымкIэ и саугъэтхэр къэзыхьа Къарэмырзэ Къантемыррэ Балъкъэр Ибрэхьимрэ, УФ-м и Ипщэ лъэпкъхэм футбол цIыкIумкIэ я зэхьэзэхуэм я чемпион Гъуэщокъуэ Арсенрэ Къар- дэн Темырланрэ, гъуэгуанэ кIыхь IэпщэкIэ зэпычынымкIэ къэралым и рекордсмен ЛампIэжь Алан сымэ.
Къэбэрдей-Балъкъэрым и Правительствэм и ЩIыхь тхылъыр илъэс куэд хъуауэ зыпэрыт IэнатIэм щиIэ ехъулIэныгъэхэм щхьэкIэ иратащ Бахъсэн къалэ администрацэм ФизкультурэмкIэ, спортымрэ щIалэгъуалэ политикэмкIэ и къудамэм и унафэщI Къаскъул Аслъэн.
Мы зэIущIэхэм хуэдэхэр нэхъыбэрэ ирагъэкIуэкIыну зэгурыIуащ абы кърихьэлIахэр.
БЭВЫКЪУЭ Албэч.