Урысей гвардием и дзэ частым, Звёзднэ посёлкэм щыIэм, къулыкъур щезыхьэкI­хэри хэтащ Анэм и махуэм хуэщIауэ ведомствэм къызэригъэпэща «Мамэ фIыуэ долъагъу» акцэм. 

Сэлэт 20-м щIигъум я анэхэм хуаIэ лъа­гъуныгъэмрэ пщIэмрэ теухуа псалъэхэр иратхащ абы щхьэкIэ ягъэхьэзыра, IэнатIэм и дамыгъэр зытет махуэшхуэ бланкхэм. 
- Мы письмохэр фи анэхэм игъащIэкIэ ­яхъумэнущ. Фэ фщыщ дэтхэнэми и ехъу­лIэныгъэхэм фи анэхэм я гуащIэ хэлъщ. Абыхэм фIыщIэ яхудощI нобэ, – жи­Iащ сержант нэхъыжь Куканьковэ Валентинэ.
 ЩIалэхэм я тхыгъэхэм я анэхэм щехъуэ­хъуащ махуэшхуэмкIэ, узыншагъэ быдэ яIэну зэрагуапэр къыхагъэщащ, я Iуэхур зытетхэм яхутепсэлъыхьащ. 
«Мамэ фIыуэ долъагъу» псалъэхэр зытет письмохэр Анэм и махуэр щагъэлъапIэм ирихьэлIэу ар зыхуатхахэр щыпсэу, къэ­ралым и щIыналъэ зэмылIэужьыгъуэхэм яутIып­щащ. 
БАХЪСЭН Ланэ.