КъМР-де МВД-ны наркотиклеге къажау управлениясыны полициячылары, Нальчикде УМВД-да коллегалары бла бирге саулукълары осал сабийчикле бла жандауурлукъ акциягъа къатышхандыла. Нальчикни Урунуу, иш бла жалчытыу эм социальный къоруулау арасыны келечилери солуу паркда «кюн сабийчиклеге» эм «жауун сабийчиклеге» чабышыу къурагъандыла.
Акция Даун синдромдан къыйналгъан балачыкълагъа болушур мурат бла бардырылгъанды. Наркополициячыла ала бла бирге паркда чабып, кёллерин алгъандыла. Ызы бла уа барысы да «Наркотиклеге угъай де» деген акциягъа да къатышхандыла. Бирге суратха тюшюп, аланы социальный сетьледе басмалагъандыла.
Ахырында сабийчиклеге клоунла сейир оюн къурагъандыла, къызчыкъланы бла жашчыкъланы татлы ашарыкъла бла да сыйлагъандыла.