Бу кюнледе Нальчикде «Эльбрус» корпоратив университетни билим бериу программасыны экинчи кесегини иши тамамланнганды. Ол «Машук» деген Билим бериу араны болушлугъу бла ётгенди.
Билим бериу майданланы ишлерин «Машукну» таматасы Антон Сериков бла стратегиялы менеджментни эксперти Владимир Соловьёв бардыргъандыла.
Къабарты-Малкъарны Правительствосуну бла регионну Башчысыны Администрациясыны таматалары, жер-жерли муниципал къуралыуларыны бла толтуруучу власть органланы келечилери да аны ишине тири къатышхандыла.
Командала рсепубликаны айнытыугъа жораланнган проектлени презентацияларын бардыргъандыла.
Эсигизге салайыкъ, аны биринчи кесеги июньда «Машукда» бардырылгъанды. Ол жол 70 къырал эм муниципал къуллукъчу юйрениу курсланы башлагъан эдиле. Командала бла федерал экспертле, спикерле, методологла ишлегендиле. Битеу бу ишни баш мураты къырал къуллукълада ишлеген специалистлени усталыкъларын ёсдюрюудю, деп билдиреди КъМР-ни Башчысыны бла Правительствосуну пресс-службасы.